Library
କଇଁଫୁଲ
କଇଁଫୁଲ
ଏ କଇଁଫୁଲ
କହିଲୁ,
କାହିଁ ତୁ ତୁଚ୍ଛାଟାରେ ହସୁଛୁ ?
ନା ତତେ କିଏ ଚାହୁଁଛି
ନା ତତେ କିଏ ଭାବୁଛି
ଖାଲି ହସୁଛୁ ଯେ ହସୁଛୁ
ହଉଛୁ ତୁ ଫୁଲେଇ
ତୋର ଏ ଫୁଲେଇପଣ ଦେଖି
କେଜାଣି କାହିଁକି
ମୋ ହୃଦ୍ ସ୍ପନ୍ଦନରେ ପସିଯାଏ
ସେ କଳା ବାଦଲର ବିଜୁଳି ,
ଏ କଇଁଫୁଲ
ଜାଣିଛୁ,
ଭଲେ ତତେ କିଏ ନ ଚାହୁଁ
କି ଭଲ କିଏ ନ ପାଉ
ତୋର ସେ କଳ୍ପିତ ରୂପ ଦେଖି
ତୋର ସେଇ ଢଙ୍ଗ ଆଉ ଠାଣି
ମତେ କରିଛି ଯେ ପାଗଳ . . . ୨
ଜାଣିଛି ମୁଁ ଜାଣିଛି
ତୋ ଭାବ ଜାଣି ପାରୁଛି
ଲଗାଇଛୁ ଅତର
ତୋର ସେଇ ମନ୍ଦ ମନ୍ଦ ବାସରେ
ଏ ଶରୀର ଯେମିତି ହେଇଯାଏ ଦୁର୍ବଳ
କରିଦିଏ ଶରୀରକୁ ତୋ ପାଇଁ ସମର୍ପିତ
ଇଚ୍ଛା ହୁଏ ତୋ ସହିତ
କାଟିବାକୁ ବାକି ଜୀବନ,
ଏ କଇଁଫୁଲ
କହୁନୁ,
ତୋର ଏ ଶୁଭ୍ର ରୂପ
ତୋର ସେ ହଳଦୀ ମୁଖ
ଆଉ ତୋର ଏ ସୁନ୍ଦର ଶରୀର
ପଛରେ କାହାର ହାତ ?
ଜାଣିଛି ମୁଁ ଜାଣିଛି
ତୋ ରୂପ ଦେଖି ଜାଣିପାରୁଛି
ସେ ଜହ୍ନଟି ଦଉଚି ଚାନ୍ଦିନି ତତେ
ସେ ଚାନ୍ଦିନିକୁ ହେଲୁ ତୁହି ବୋଳି
ଆଉ ଚୋରିକଲୁ ମୋର ଏ ମନ
ତୋ ପାଇଁ ନା ଶୋଇ ପାରୁଛି
ନା ବସି ପାରୁଚି
ଖାଲି ଭାବୁଛି ଯେ ଭାବୁଛୁ
ଖାଲି ତୋରି କଥା l. . . . ୨
ପୂର୍ଣ୍ଣଚନ୍ଦ୍ର ରଣା
ହାଟସିଂହାପୁର, ଯାଜପୁର
