ମୁଁ ଓଡିଆ
ମୁଁ ଓଡିଆ
ସର୍ବକଳାରେ ପରିପୂର୍ଣ୍ଣ ଏଇ ମୋ ଜନମ ମାଟି,
' ଉତ୍କଳ' ନାମରେ ସେ ଯେ ସବୁଠି ଖ୍ଯାତି ଲଭିଛି,
' ଉଡ୍ର' ଭାବେ ଦୂର ଦୂରାନ୍ତ ରେ ଥିଲା ତା ପରିଚିତି,
ସେ ନାମରୁ ଏବେ ' ଓଡିଶା' ନାମ ରେ ଆଦର ପାଇଛି ।
'କଳିଙ୍ଗ' ବୀରର ବୀର ଗାଥା କେହି କି ପାରିବ ଭୁଲି ?
କଳିଙ୍ଗ ବାସୀଙ୍କ ହୃଦ କଥା ଆଜି ବି ସଭିଁଏ ଜାଣନ୍ତି ,
ଓଡିଆ ପୁଅ ଏ ମାଟି , ପବନେ ତା ଜୀବନ ଗଢିଛି,
ଉତ୍କଳ ଐତିହ୍ଯ , ଗୌରବ ଜୈତ୍ର ଆକାଶ ଛୁଇଁଛି ।
ଜାଗ୍ରତ ହୁଅ ଓଡିଆ ପୁଅ ସେଦିନ କଥା ମନେ ପକାଇ,
ଭାଷା ଆନ୍ଦୋଳନେ ଏ ମାଟି ସନ୍ତାନ ପରାଜୟ ଲଭି ନାହିଁ,
ବିଖଣ୍ଡିତ ଭୂମି, ଭାଷା ଅବନତି ପାରିନାହିଁ ସେ ଯେ ଦେଖି,
ଆଜନ୍ମ ଲଢି ମାତୃଭୂମି, ମାତୃଭାଷା ଟେକ ଯେ ପାରିଛି ରଖି ।
'ମୋ ଭାଷା' ଓଡିଆ, ଓଡିଶା ମୋ ମାଁ ମାଟି, କୁହ ସର୍ବେ ମିଳି,
ତାହାରି ସମ୍ମାନ, ତାହାରି ଗୌରବ ଯୁଗେ ଯୁଗେ ଯିବା ରଖି ,
ଓଡିଆ ପୁଅ ର ତ୍ଯାଗ, ବଳିଦାନ କେବେ ବି ବିସ୍ମୃତ ନୁହଁଇ,
ଆମେ ଓଡିଆ, ଓଡିଶା ମୋ ମାଁ ଏ କଥା ଆମେ ଭୁଲିବନି ।
କଲ୍ଯାଣୀ ନନ୍ଦ
ବୁଢାରଜା, ସମ୍ବଲପୁର, ଓଡିଶା ।