ବାଇଶି ପାବଛ ମାହାତ୍ମ୍ଯ
ବାଇଶି ପାବଛ ମାହାତ୍ମ୍ଯ
ଶ୍ରୀମନ୍ଦିର ସିଂହଦ୍ୱାର ଡେଇଁ ଗୁମୁଟକୁ ଅତିକ୍ରମ କଲେ
ବାଇଶି ପାହାଚ ଯହିଁ କ୍ରିୟା କର୍ମ ଚାଲିଥାଏ ନିରନ୍ତରେ ।
ବାଇଶି ପାହାଚ ବାଇଶି ଋଷିଙ୍କ ଆତ୍ମା ତହିଁ ବିଦ୍ୟମାନ
ସଉଭାଗ୍ୟ ଥିଲେ ସଂସର୍ଗ ମିଳିବ ପ୍ରଭୁ ଭାବେ ମୁହ୍ୟମାନ ।
ପ୍ରଥମ ତୀବ୍ରା ଦ୍ବିତୀୟ କୁମୁଦବତୀ ମନ୍ଦା ଯେ ତୃତୀୟ
ଚତୁର୍ଥରେ ଛନ୍ଦୋବତୀ ପଂଚମେ ଦୟାବତୀ ଶିଳାଚୟ ।
ଷଷ୍ଠରେ ରଂଜନୀ ସପ୍ତମେ ରତିକା ରୌଦ୍ରା ଅଷ୍ଟମ ପାବଛେ
ନବମରେ କ୍ରୋଧା ଦଶମେ ବଦ୍ରିକା ପ୍ରସାରିଣୀ ଏକାଦଶେ ।
ଦ୍ୱାଦଶରେ ବ୍ରତୀ ତ୍ରୟୋଦଶ ସ୍ତର ମାଜର୍ନୀ କ୍ଷାତି ତାପରେ
ପଂଚଦଶ ରକ୍ତା ସନ୍ଦିପନୀ ପୁଣି ଆଜାପନୀ କ୍ରମଭରେ ।
ଅଷ୍ଟାଦଶରେ ମଦନ୍ତୀ ରୋହିଣୀ ଉନବିଂଶ ପାବଛରେ
ରମ୍ୟା ବିଂଶ ଉଗ୍ରା ଏକବିଂଶ ପୁଣି କ୍ଷୋଭିନୀ ଦ୍ୱାବିଂଶ ପରେ ।
ଦୁତୀୟ ମତରେ ଦ୍ୱାବିଂଶ ପ୍ରକାର ପରା ପ୍ରକୃତିଟି ଆମ
ଟପିଲେ ପରାକୁ ପହଂଚିବା ଆମେ ଯାଇ ପରଂବ୍ରହ୍ମ ଧାମ ।
ତୃତୀୟ ମତରେ ସପ୍ତ ଲୋକ ସପ୍ତ ପାତାଳ ଅଷ୍ଟ ବୈକୁଣ୍ଠ
ଅତିକ୍ରମ କଲେ ଦ୍ୱାବିଂଶ ଲୋକକୁ କୃପା ବରଷେ ଅକୁଣ୍ଠ ।
ଅପର ମତରେ ବାଇଶି ପାହାଚ ପଂଚେନ୍ଦ୍ରିୟ ପଂଚ ପ୍ରାଣ
ପାଂଚ ଅନ୍ତଃ ସଉନ୍ଦର୍ଯ୍ୟ ପଂଚଭୂତ ଜ୍ଞାନ ଅହଂକାର ପୁଣ ।
ନାନା ମୁନି ନାନା ମତ ଏ ଦେଶରେ ସବୁ ମୂଳେ ଲକ୍ଷ ଏକ
ବାଇଶି ପାହାଚ ଚଢିଲେ ଶ୍ରଦ୍ଧାରେ ଭକ୍ତି ହେବ ଜାଗରୁକ ।
ପୂର୍ବଶୂରୀ ଆମ ପିତୃଶ୍ରାଦ୍ଧେ ଗଡୁ ଥାନ୍ତି ବାଇଶି ପାବଛ
ଶିଶୁକୁ ଗଡାନ୍ତି ଗୁରୁଜନେ ଅନ୍ତଃ କରଣ ହୋଇବ ସ୍ୱଚ୍ଛ ।
ଜଗତର ନାଥ ମର୍ତ୍ୟ ବଇକୁଣ୍ଠେ କରୁଥାନ୍ତି ଲୀଳାଖେଳା
ବାଇଶି ପାବଛ ପ୍ରବାଦ ବାସ୍ତବେ ଗଣିଲେ ବୁଡଇ ଭେଳା ।
-ବିଶ୍ୱେଶ୍ଵର ମାଝୀ-