ଜୀବନ୍ତ ଈଶ୍ବର
ଜୀବନ୍ତ ଈଶ୍ବର
କୁହ କେହି କେବେ ଦେଖିଛକି ବ୍ରହ୍ମା ବିଷ୍ନୁ ଅବା ମହେଶ୍ୱର
ଶୁଣାଅଛି ଜଣେ ସୃଷ୍ଟିକର୍ତା ଜଣେ ପାଳନକର୍ତା ବିଶ୍ୱର ।
ମନ୍ତ୍ର ଜପି ହୋମ ଯଗ୍ୟଁ କରି କେହି ଦେବତା ଦେଖିଛି କହୁ
ମାତା ଯଦି ମତେ ଜନ୍ମ ଦେଇଛନ୍ତି ପାଳିଛନ୍ତି ମତେ ସେହୁ ।
ସମାଜେ ଜଣେରେ ଗଣା ହେବାପାଇଁ ପିତାଙ୍କ ଚେଷ୍ଟା ଅଦମ୍ୟ
ଶାସନ ଆକଟ ଦଣ୍ଡ ସେ ଦିଅନ୍ତି ଶିବ ପରି ପିତା କାମ୍ୟ ।
ତେତ୍ରିଶ କୋଟି ଦେବତାଠୁ ବଳି ପିତାମାତା ପରା ବଡ
ଆଦ୍ୟଗୁରୁ ମା' ପିତା ସିନା ପିତା ଆରମ୍ଭରୁ ପିତା ଭଲ ।
ପିତାମାତା ପଦେ ସରଗ ସମ୍ପଦ ସାକ୍ଷାତ ଦେବତା ସିଏ
ହତାଦର କରି ଦେବତା ପୂଜିଲେ ଦେବତା କି ଫଳ ଦିଏ !
ଆପଣା ସନ୍ତାନେ ଏତେ ସ୍ନେହ ଯଦି ଥିଲେତ କାହାରି ବତ୍ସ
ଆଗକୁ ବହିବା ନଦୀ ଧର୍ମ ସିନା ଭୁଲିବକି କେବେ ଉତ୍ସ !