ସେଇ ମଧୁମୟ ତମସା ସତେ କି

ସେଇ ମଧୁମୟ ତମସା ସତେ କି

 

ଆଭାକାନ୍ତ ମହାନ୍ତି

 

ସେଇ ମଧୁମୟ ତମସା ସତେ କି

       ଆଉ ଗୋ ଆସିବ ନାହିଁ,

ସେଦିନର ସ୍ୱର ତୋଳି କୋକିଳ କି

       ଆଉ ଗୋ ଗାଇବ ନାହିଁ  ? । ୦ ।

 

ସେଦିନ ମଳୟ ନାହିଁ ତ ଆଉ ଗୋ

       ନାହିଁ ଅଳି-କଳି ପ୍ରୀତି,

ମଧୁଭିଜା ଜ୍ୟୋତ୍ସ୍ନା ନାହିଁ ଆଉ ଆଜି

       ଅଛି ଘୋର ଅମାରାତି ା

ବେପଥୁ ଜାଗୁନି ମନରେ ଗୋ ଆଉ

       ମମତା ପଡ଼ିଛି ଶୋଇ । ୨ ।

 

ବାଉଳା ନିଦରେ ସପନ ଦେଖୁନି

       ସେଦିନ ପରି ଗୋ ଆଜି,

ଆଜି କଳ୍ପନାରେ ଶିହରଣ ନାହିଁ

       ସେଦିନ ଯାଇଛି ହଜି ା

ପ୍ରେମର କୋଣାର୍କ ପଡ଼ିଛି ଶୋଇ ଗୋ

       ଆଉ କି ଉଠିବନାହିଁ  ?

 

ନୂଆସାହି, ବିଡ଼ାନାସୀ

କଟକ-୭୫୩୦୧୪

ଫୋନ୍-୯୦୪୦୦୦୩୧୦୧

*****