ବନ କୋଇଲି ଗୋ !

                  ବନ କୋଇଲି ଗୋ !

 

                                      ଆଭାକାନ୍ତ ମହାନ୍ତି

 

                     ବନ କୋଇଲି ଗୋ ! ବିରହୀ ମୋ ମନ

                               କୁହୁକୁହୁ ଆଉ ଗାଅନି୤

                           ଅମାନିଆଁ ହେଲା ଜିଦିଆ ବସନ୍ତ

                                 ମୋ ନେହୁରା ତାକୁ ଛୁଁଉନି । ୦ ।

 

                           ଏଇ ତ ଟିକିଏ ଆଗୁ ଆସିଥିଲା

                               ଦୁଆର ସଜନା ଡାଳେ ବସିଗଲା

                           "ବୁକୁଚାଫିଟା' ଗୋ ହଳଦୀବସନ୍ତ

                                 ଡାକିଲା ତା କଥା କୁହନି । ୧ ।

 

                           ମନେ ମୋ ମଳୟ ଭରିଲା ଡହକ

                                ଭଲ ଲାଗୁନାହିଁ ଫୁଲର ମହକ

                          ମନ ଆଉଟଇ ପ୍ରକୃତିର ଛଟା

                                ସ୍ମୃତି ଛାଡି କ୍ଷଣେ ରହୁନି । ୨ ।

 

                          ଭଲ ଲାଗୁନି ଗୋ ଦେଖି ଗଛ ଡାଳେ

                                ପ୍ରେମେ ଗୁମରନ୍ତି ସେ ପକ୍ଷୀ ଯୁଗଳେ

                          ଫୁଲର ଅଳିର ପ୍ରେମେ ଖେଳିବାଟା

                               ଜାଣି ଆଉ ଦେଖି ହେଉନି । ୩ ।

 

                                         ନୂଆସାହି, ବିଡ଼ାନାସୀ

                                                              କଟକ-୭୫୩୦୧୪

                                                             ଫୋନ୍-୯୦୪୦୦୦୩୧୦୧