Audio

Forum

Read

Contests

Language


Write

Sign in
Wohoo!,
Dear user,
ମନ ବନେ ତନୁ ଲତା
ମନ ବନେ ତନୁ ଲତା
★★★★★

© Prasanna Kumar Madala

Others

1 Minutes   13.0K    2


Content Ranking

ମନ ବନେ ତନୁଲତା

ମନ ବନେ ବୁଲି ଦେଖ ତନୁଲତାମାନ
ନବୀନ ପଲ୍ଲବେ ଶୋଭା ବଢାଇ ଉଚ୍ଛନ୍ନ ।


ସରିଲାଣି ଅପସରି ବୁକୁଫଟା ଶୀତ
ଛାତି ଖୋଲି ଖେଳିଯିବ ମଳୟ ବସନ୍ତ ।


ମହକିବ ତନୁ ମନ କାମିନୀ ପ୍ରବୃତ୍ତ
ଉଠିଲାଣି ବେଳ ଦେଖି ମଦନ ଉନ୍ମତ୍ତ ।


ହୁତୁହୁତୁ ଜଲିଲାଣି ବାସନାର ବଣ
ମତୁଆଲୀ ଘାସଫୁଲ କରିଲାଣି ପଣ ।


ବସନ୍ତର ଆଗମନେ ପ୍ରଥମ ଚୁମ୍ବନ
ରସସିକ୍ତ ଅଧରରେ କରିବ ପ୍ରଦାନ ।


ଛନ୍ଦହରା ଚଉପଦୀ ତୋଳିଲାଣି ତାନ
ଲଳିତ କଣ୍ଠରେ କେହି କରିବ ଉତ୍ଥାନ ।


ଧାଡ଼ି ଧାଡି ଫୁଟିଯିବ ଶବ୍ଦର ସୁମନ
ରସିକ କବିର ପଂକ୍ତି କରିବ ମଣ୍ଡନ ।


ହିମମୟ ବସ୍ତ୍ର ଖୋଲି ଧରଣୀ ବକ୍ଷୋଜ
ଚୁମିବାକୁ ଅନାବୃତେ ନଭ ସଜବାଜ ।


ଧରଣୀଗଭାକୁ ଶୋଭା କମଳ ସରୋଜ
ସୁବର୍ଣ୍ଣ କ୍ଷେତାଙ୍ଗ ପ୍ରଭା ସକାଳ ସୁରୁଯ ।


କିଶୋରୀ ପ୍ରାଣ ଉଚ୍ଛନ୍ନ କାମୋଦୀ ରାଗରେ
ବରିବ କେମନ୍ତେ ସାଥୀ ନବ ପ୍ରେମୀବରେ ।


ମନ୍ଦ ମନ୍ଦ ଗନ୍ଧ କ୍ଷେପି ମଳୟ ସମୀରେ
ମଦମସ୍ତ ଗଜ ଖୋଜେ ହସ୍ତିନୀ ବନରେ ।


ସୁକୁମାରୀ ତନୁଲତା ନଚେଇ ନଚେଇ
ଚାଲିଲାଣି ହାଟ ମଧ୍ୟେ ଆନନ ରଙ୍ଗେଇ ।


ପ୍ରତିଶ୍ରୁତି ରଖ ସଖୀ ଆସ ଗୋ ନଇଁବା
ବାସ ଭରା ଧରା ମାଟି ଉଲ୍ଲାସେ ଛୁଇଁବା ।

 

କବି - ଶ୍ରୀଯୁକ୍ତ ପ୍ରସନ୍ନ କୁମାର ମାଦଳା

ଛାତି ଖୋଲି ଖେଳିଯିବ ମଳୟ ବସନ୍ତ

Rate the content


Originality
Flow
Language
Cover design

Comments

Post


Some text some message..