ନଈ ସେପାରିର ପଥ

କେହି ତାକୁ ତିଆରିନି

ସମୟର ଉଜାଣି ଯଦି

କେବେ ଜାଣିଥାନ୍ତା

ଭାସିଯିବା ଏତେ ସହଜ ବୋଲି

ଥରେ ହେଲେ ଚାହିଁଥାନ୍ତା

ତା'ର ଦୟାର୍ଦ୍ର ଦୃଷ୍ଟିରେ,

ଉତ୍ତାରିଥାନ୍ତା ତାର ବୋଝଟିକୁ

ତା'ନିର୍ବୋଧ ପଣର

ଆଦରି ନଥାନ୍ତା କେବେ

ପ୍ରସ୍ତ ପ୍ରସ୍ତ ଆବରଣ ତଳୁ

ମାୟାର ଯେତେ ନୀଳ ଅନ୍ଧକାର ।

ନଈ ସେପାରିର ପଥ

ସାଇତି ରଖିଛି ଅନାଦି କାଳରୁ

ଅଚିହ୍ନା ପାଦ ମାନଙ୍କର

ଅଗଣିତ ପାଦ ଚିହ୍ନ,

ଛାତି ତଳେ ଲୁଚାଇଛି

କେଉଁ ଅପ୍ସରାର ସାନିଧ୍ୟରେ ଥିବା

ରହସ୍ୟ-ରସିକ ଯୋଗୀଟିର

କଳଙ୍କର ଟୀକା ଟିକୁ

ଅନେକ ଅପ୍ରତିଭ ପଣସହ।

ହୁଏତ ଲୁଚିଯିବ ଦିନେ

କିଛି ଅଭାବନୀୟ ପାଦ ଚିହ୍ନ,

ଆଉ ଝୁରୁଥିବ ନିଥର ମାଟି

ହଜାଇ ତାର ହୃତସ୍ପନ୍ଦ ।