ବିବାହ ବାନ୍ଧୁଛି
ବିବାହ ବାନ୍ଧୁଛି
ବିବାହ ବାନ୍ଧିଛି ସ୍ୱପ୍ନିଳ ବନ୍ଧନେ
ହେବାକୁ ସଂସାରେ ସଲିଳ
ପାଇକି ପାରୁଛି ସ୍ୱପ୍ନ ସମ ସୁଖ
ସମ୍ବନ୍ଧ ହେଲେ ସମାକୁଳ
କେତେ ଯତନରେ କନ୍ୟା ଦେଖା ଦେଖି
ପାଇବାକୁ ଜୀବନ ସାଥୀ
ଚରିତ୍ର ସଂସ୍କାର ଭାଗ୍ୟ ବିଡମ୍ବନା
ସହିବେ ସର୍ବେ ମଥା ପାତି
ଦେଉଥିବେ କହି ପ୍ରେମ ନିବେଦନ
ସଂସାର ଜଂଜାଳେ ଶାଙ୍କୁଡି
ଦୈହିକ ଦହନ ସନ୍ତାନ ଜନମ
ସବୁରି ଆରମ୍ଭ ଏନ୍ତୁଡି
ରହ ରହ କ୍ଷଣେ ସଂସାର ସାରଥି
ତୋ ସାଙ୍ଗେ ପାରୁନି ଦଉଡି
ତୁ ଯେତେ ଦରବ ଯଚେଇ ହେଲେବି
ପଡୁଚି ପାଖରେ କଚାଡି
ବିବାହ ବାରୁଛି ବିବାହ ଅରଥ
ସବୁଠି ଦେଖେ ସମଝୋତା
କରି ନପାରିଲେ ନିଜ ଦୋଷ ସିନା
ଚାଲାକି ପଣରେ ଅନ୍ୟଥା
ସବୁ ସୁଖ ଶାନ୍ତି ପଇସା ଉପରେ
ଖର୍ଚ୍ଚ କରୁଥିଲେ ବାରେଣୀ
ଯଉଦିନ ଠାରୁ ଖରଚ କମିବ
ଯମୁନା ଜାଣିବ ଉଜାଣି
ଭିନ୍ନ ମତି ଗତି ରହିଲେ ଦମ୍ପତି
ତିକ୍ତତା ସାଜେ ସର୍ବଂକଷି
ସମାନ ଅନ୍ତର ସରଳ ରେଖାଟି
ଯେମନ୍ତ ବଢଇ ଅମିଶି
ପ୍ରଶାନ୍ତ କୁମାର ହୋତା