ବିଶ୍ୱ କବିତା ଦିବସର ବାର୍ତ୍ତା
ବିଶ୍ୱ କବିତା ଦିବସର ବାର୍ତ୍ତା
ସାହିତ୍ୟର ଏକ ମନ୍ମୟ ପ୍ରକାଶ କବିତା ତନ୍ମୟ ସୃଷ୍ଟି
କବି କରିପାରେ ବିନା ବାରିଦରେ ଧରାରେ କୁଳିଷ ବୃଷ୍ଟି ।
କୋଇଲିର କୁହୁତାନ ଝରଣାର କୁଳୁ ନାଦ ସାଂଗିତିକ
ଝରା ପତରର ମର୍ମର ଧ୍ୱନି କବିକୁ କରେ ଉଚ୍ଚାଟ ।
କ୍ରୌଂଚ ମିଥୁନ ଦର୍ଶନେ ବାଲ୍ମିକୀ ରାମାୟଣ ରଚିଥିଲେ
ଭସାମେଘ ଦେଖି ମେଘଦୂତ କାବ୍ୟ କାଳିଦାସ ବିରଚିଲେ ।
କାର୍ମୁ କାଫକା ଶେଲୀ ବାଇରନ ଟେନିସନ ଆଦି ସ୍ରଷ୍ଟା
ଭାରବୀ ଶ୍ରୀହର୍ଷ ମାଘ ଅଭିମନ୍ୟୁ ଭଂଜ ଆଦି ଦିବ୍ୟ ଦ୍ରଷ୍ଟା ।
ଡାଫୋଡିଲ୍ ର ପ୍ରେମରେ ପଡିଲେ କବି ୱାର୍ଡସୱାର୍ଥ
ହେମପୁଷ୍ପ ଦିବ୍ୟ ପ୍ରେମ ସଂରଚନା ମାୟାଧରଙ୍କ ଅବ୍ୟର୍ଥ ।
ଚିଲିକାର ଚାରୁ ଚିତ୍ରପଟ ଦେଖି ବିହ୍ୱଳ ଉତ୍କଳମଣି
ମୋ ଜୀବନ ପଛେ ନର୍କେ ପଡିଥାଉ ସନ୍ଥ ଭୀମଭୋଇ ଭଣି ।
କବିଟି ଆମର ଦୁତୀୟ ଈଶ୍ବର ସମାଜେ ବାରତା ଦିଏ
ଏକୋଇଶ ମାର୍ଚ୍ଚ କବିତା ଦିବସେ ପ୍ରଣାମ ମୁହିଁ ଜଣାଏ ।
-ବିଶ୍ୱେଶ୍ଵର ମାଝୀ-