ନାହିଁ ମୋର ଚାଳ ଛପର
ନାହିଁ ମୋର ଚାଳ ଛପର
1 min
262
ଚାଳ ଛପରରେ ନାହିଁ ଘର ମୋର
ନାହିଁ ଯେ ମାଟିର କାନ୍ଥ
ସିମଣ୍ଟ ନଳାରେ ରହୁଅଛି ମୁହିଁ
ଦେଖ ହେ ଜଗତନାଥ
ସିମଣ୍ଟ ନଳାରେ ସଡକ ଉପରେ
ଶୀତରେ ଥରୁଛି ଛାତି
କେମିତି ମଉନେ ବସିଛ ଦେଉଳେ
ଦୀନବନ୍ଧୁ ଦୀନ ସାଥୀ
କେଉଁ ଜନମର କେଉଁ କର୍ମ ପାଇଁ
ଏତେବଡ ଶାସ୍ତି ଦେଲ
ଯାତନା ସବୁକୁ ମୋ ଭାଗ୍ଯରେ ଲଦି
ସୁଖ ମୋ ଛଡେଇ ନେଲ
ବନ୍ଧୁଟିଏ ଭାବି କଥାଟିଏ ମୋର
ରଖିବ ହେ ଶେଷ ଥର
ମରିଗଲା ପରେ ସରଗ ଦୂଆରେ
ପୋଡିହବ ଶବ ମୋର
[ ପ୍ରେମ୍ କବି ଜଗବନ୍ଧୁ ସାହୁ ]
[ ଛଞ୍ଚାଣିଆ ପଲ୍ଲୀ ( ଗଞ୍ଜାମ ) ]