ଦେଖ ,ଦେଖ ମୋର କାଳିଆ ସୁନାକୁ
ଦେଖ ,ଦେଖ ମୋର କାଳିଆ ସୁନାକୁ
1 min
7.1K
ଦେଖ ଦେଖ ମୋର କାଳିଆ ସୁନାକୁ
ଆସୁଅଛି ଝୁଲିଝୁଲି
ଭକତ ଗହଣେ ମୁରୁକି ହସୁଛି
ହସୁଛି ଶରଧା ବାଲି ।
ହସୁଛି ଶରଧା ବାଲି ............
ଖଣ୍ଡୁଆ ପାଟରେ ପୁଷ୍ପ ଚନ୍ଦନରେ
ବାସୁଅଛି ମହମହ
ନଦୀଆ କୀର୍ତ୍ତନେ ଉଠୁଛି ପଡୁଛି
ବଡ଼ ଦାଣ୍ଡେ ବଡ଼ ଦିଅଁ ।
ବଡ଼ ଦାଣ୍ଡେ ବଡ଼ ଦିଅଁ ............
ଦେଖ ଦେଖ ମୋର ବଡ଼ ଠାକୁରଙ୍କୁ
ଦେଖ ତା ନାଲିଆ ବେଶ
କୋଟିକୋଟି ଭକ୍ତ ମୁଖ ରେ ଭରିଛି
ମଧୁର ମଧୁର ହସ ।
ସୋରିଷ ବୁଣିଲେ ତଳେ ପଡୁନାହିଁ
ସବୁଆଡେ ହରି ନାମ
କି ଅବା ଲେଖିବି ଭାଷା ପାଉନାହିଁ
ରଥେ ବିଜେ ଘନଶ୍ୟାମ ।
ରଥେ ବିଜେ ଘନଶ୍ୟାମ ...........