Library
ଅମାନିଆଁ
ଅମାନିଆଁ
ପ୍ରତାପ ନାୟକ
7008054282
କାଖରେ ବସ୍ତାନି ମୁଣ୍ଡରେ ସୁତାନି ଆଖିରେ କଜଳ ନାଇଥାଏ
ହୁରୁମା ଚାଲିରେ ଧଡଧଡ ଚାଲେ
ପାନ ଗାଲେ ଗୁଞ୍ଜି ବୁଲୁଥାଏ
ସାହିରୁ ସାହିକି ଦିଗୋଡ କରେ ସେ
ଏମିତି ହଉଛୁ ପଚାରିଲେ ତାକୁ ଭିଣିଭିଣି ହୋଇ ମୁହଁ ମୋଡି ଦେଇ ସିଏ କହେ
ଯାହା ମୁହିଁ କଲି ତୋର କଣ ଆସେ ଯାଏ ....
ଗାଧୁଆ ତୁଠରେ ଅତଡାରୁ ଡେଇଁ ପାଣିକି ଦିଭାଗ କରୁଥାଏ
କୁମ୍ଭାଟୁଆ ପରି ଆଖିରଂଗ କରି
ଓଦା ସରସର ଲୁଗାରେ ପହଁରୁଥାଏ ସିଏ
ଏମିତି ହଉଛୁ ପଚାରିଲେ ତାକୁ ଭିଣିଭିଣି ହୋଇ ମୁହଁ ମୋଡି ଦେଇ ସିଏ କହେ
ଯାହା ମୁହିଁ କଲି ତୋର କଣ ଆସେ ଯାଏ ....
ଖରାବେଳଟାରେ ବଗିଚାରେ ପସି କେତେ ଗଛ ଚଢି ଆମ୍ବ ଖାଏ
ପିଜୁଳି ଗଛର ଡାଳ ଭାଂଗେ
ଜାମୁରୋଳେ ଅଣ୍ଟି ଫୁଲି ଥାଏ
ଏମିତି ହଉଛୁ ପଚାରିଲେ ତାକୁ ଭିଣିଭିଣି ହୋଇ ମୁହଁ ମୋଡି ଦେଇ ସିଏ କହେ
ଯାହା ମୁହିଁ କଲି ତୋର କଣ ଆସେ ଯାଏ ....
ବା ବତାସଟା ଘୋଟିକି ଆସିଲା
ରାତିଦିନ ସବୁ ଏକାକାର କଲା
ତିନିଦିନ ଯାଏ ଝଡି ନଛାଡିଲା
ତାହାର ଚାଳିଆ ଛିଡିଯାଇ ତଳେ ପଡିଥିଲା
ବାହାରକୁ ତାର ନାଲିଆ ଫରକ ଦିଶୁଥିଲା
ଏମିତି କାହିଁକି ପଡିଛୁ ସେଠାରେ
ପଚାରିଲେ ତାକୁ
ଭିଣିଭିଣି ହୋଇ ମୁହଁ ମୋଡି ଦେଇ ଆଉ ପଦେ ନ କହିଲା ସିଏ
ଯାହା ମୁହିଁ କଲି ତୋର କଣ ଆସେ ଯାଏ ....
