ମୋ ଭାଷା
ମୋ ଭାଷା
1 min
552
ସବୁଠୁ ବଢିଆ ମୋ ଭାଷା ଓଡ଼ିଆ
ମୋ ମାଆ ମୁଖରୁ ଝରେ
ସେ ଅମୃତ ଡାକ ସେନେହ ସରାଗ
ଯେତେ ଦୁଃଖ ତାପ ହରେ ।
କୋଳାହଳ ମଧ୍ୟେ ଯେ ଭାଷା ଶୁଭିଲେ
ଝରେ କେତକୀର ବାସ
ସେହି ଭାଷା ପରା ମୋ ଜାତିର ଭାଷା
ଯାହାର ଅଟେ ମୁଁ ଦାସ ।
ଅମଡା ବାଟରେ ଝୁଣ୍ଟି ପଡେ ଯେବେ
ସେହି ହୁଏ ମୋର ସାହା
ମୋ କଣ୍ଠ ଅଗ୍ରତେ ସରସ୍ବତୀ ବିଜେ
ଉଚ୍ଚାରିତ ମାଆ ମାଆ ।
ଆଜି କୋହଭରେ ସ୍ଫୁରିତ କଣ୍ଠରେ
ମାଟି ମାଆ ଦିଏ ଡାକ
କୋଟିଏ ସନ୍ତାନ ହୁଅ ଯତ୍ନବାନ
ରଖ ମାତୃଭାଷା ଟେକ ।
ଭାଷା ବଞ୍ଚିଥିଲେ ଜାତି ବଞ୍ଚିଥାଏ
ସମୟ ରହିଛି ସାକ୍ଷୀ
ଭାଷାର ତରଣୀ କୂଳେ ଆଣ ଟାଣି
ଫେଡିବାରେ ଜ୍ଞାନ ଆଖି ।