ତମେ ଆସିବ ବୋଲି-୧
ତମେ ଆସିବ ବୋଲି-୧
1 min
197
ତମେ ଆସିବ ବୋଲି
ଆକାଶରେ ତାରାମାନେ
ଲାଜେଇ ଗଲେଣି
ଖଣ୍ଡ ଖଣ୍ଡ ମେଘମାଳ
ଲୁଚି ବି ଗଲେଣି
ପାହାଡର ଆଢୁଆଳେ ,
ଉଭେଇ ଗଲାଣି
ଫଗୁଣର ରଂଗ
ଫିକା ଫିକା ଲାଗେ
ଦିଗନ୍ତର ଦୃଶ୍ୟ
ଝରିପଡୁଛି ଜହ୍ନରୁ ଜୋଛନା
ମହ ମହ ବାସୁଛି
ଶୀତଳ ଚଂ ଦନ
ତମ ଗୋଲାପୀ ହସର ।।
ଝଲମଲ ଦିଶୁଛି
ଜାଇ-ଯୂଇ-ହେନାର ଗଜରା
ତମର ସେ ଚୂର୍ଣ୍ଣ କୁନ୍ତଳରେ,
ଘୁମାଇତ ଅନ୍ଧାରର
ପରସ୍ତ ପରସ୍ତ ସ୍ତରୀଭୂତ ନୀରବତା
ଜୀବନ୍ଯାସ ପାଇଯିବେ
ତମ ପାଦ ନୂପୁରର
ଋଣୁଝୁଣୁ ଶବ୍ଦଙ୍କ ଦୌଡରେ ।
ଅପହଂଚ ଆଶା ସବୁ
ଡେଣାମେଲି ଉଡୁଥିବେ
ଫର୍ ଫର୍
ମୋ ଶୁନ୍ଯ ଇଲାକାର
ନିସ୍ତଦ୍ଧ ତାର ପରିଧିରେ ।।