ମକର ସଙ୍କ୍ରାନ୍ତି
ମକର ସଙ୍କ୍ରାନ୍ତି
ଦକ୍ଷିଣରୁ ଅଂଶୁ ଢଳିଲେ ଉତ୍ତରେ ଦିନ ଆଜିଠାରୁ ବଡ
ପତି ଜମାଳୟୁ ଫେରିଲେ କମଳ ହେବନାହିଁ ଆଉ ଜଡ ।
ସତୀ କମଳିନୀ ପ୍ରାଣ ତେଜିଥିଲା କିବା ଲାଭ ପତି ବିନା
ପତିଙ୍କ ଉତ୍ତର ଗତି ଦେଖି ଆଉ ହେବ ନାହିଁ ଆନମନା ।
ଶୀତର ପ୍ରକୋପ ଉଣା ହୋଇବାରୁ ଦିନ ବଡ ହେଲା ଅତି
ମକର କ୍ରାନ୍ତିକୁ ଗତି ହେତୁ ନାମ ହେଲା ମକର ସଙ୍କ୍ରାନ୍ତି ।
ଆଖୁ ଗୁଡ କନ୍ଦ ନୂଆ ଚାଉଳରେ ପ୍ରସ୍ତୁତ ହୁଏ ମକର
ମକର ଚାଉଳ ଖାଇଲେ ଦୁର୍ଦଶା ହୋଇବ ଆମ ବକର ।
ମନ୍ଦ ଗତି ପବନର ସହାୟକ ଗୁଡି ଉଡାଇବା ପାଇଁ
ଉର୍ଦ୍ଧକୁ ଉଠିବା ଭୂ-ପତିତ ହେବା ଏହି ଶିକ୍ଷା ଦେବା ପାଇଁ ।
ଦିନ ବଡ ଯେଣୁ କାମ କରିବାକୁ ସମୟ ମିଳେ ଅଧିକ
କ୍ରାନ୍ତିକାରୀ ଦିନ ମକର ସଙ୍କ୍ରାନ୍ତି କ୍ରାନ୍ତିର ହେଉ ଉଦ୍ରେକ ।