ମାଆ ତାରିଣୀ
ମାଆ ତାରିଣୀ
ଯାଇ ମୁଁ ପାରୁନି ମା ତୋରି ଦୁଆରେ
କରୁଛି ବିନତି ଏଠି ଭକ୍ତିସହକାରେ
ମା ବୋଲି ତତେ ଡାକୁଛି ପ୍ରତିନିତି
ମନରେ ମୋର ସଦା ଅସୀମ ଭକ୍ତି
ସଦାବେଳେ ପଠନ କରେ ତବ ସ୍ତୁତି
ତୋ ଭକ୍ତିରେ ମନରେ ଆସିଥାଏ ଶାନ୍ତି
ନିଷ୍ଟାରେ କରେ ତତେ ମୁଁ ଜୁହାର
ଭକ୍ତିରେ କରେ ତୋର ମଙ୍ଗଳବାର
ମାଗୁନାହିଁ ଧନ ଜନ ବିପୁଳ ସମ୍ପତି
କରୁଣା ମୟୀ ଗୋ ସାହା ହେଵୁ ନିତି
ନୟନୁ ଝରାଏ ନୀର ତତେ ଆଶ୍ରାକରି
ତୋ ଚରଣେ ତଳେ କରେ ମୁଁ ଗୁହାରି
ଧୂପ,ଦୀପ ସଂଗେ ହୁଳହୁଳୀ ଦେଇ
କରୁଛି ପ୍ରଣାମ ଘେନ ମା ତୁହି
ଘଟଗାଁରେ ତାରଣୀ ନାମଟି ତୋର
ତୋ ନାମ ଧରିଲେ ଦୁଃଖ ହୁଏ ଦୂର
ଶକ୍ତିମୟୀ ରୂପେ ପାଉତୁ ପୂଜା
ଫରଫର ହୋଇ ଉଡେ ତୋର ଧ୍ବଜା
ଚୈତ୍ର ମାସରେ ପଡେ ତୋର ପରବ
ଆନନ୍ଦ ଉଲ୍ଲାସରେ କରନ୍ତି ସର୍ବେ
ନମୋ ନାରାୟଣୀ ମା ଦୁର୍ଗତିନାଶିନି
ମାଗୋ ସିଂହବାହିନି ଶକ୍ତି ସ୍ବରୁପୁଣି
ହେ କ୍ଷମାମୟୀ ମା ଦୋଷ କ୍ଷମାକର
ତବ ପାଦତଳେ ଏତିକି ପ୍ରଣିପାତ ମୋର
ଡକ୍ଟର ଝରଣା ଶତପଥୀ
ଭୁବନେଶ୍ବର