ଏକ ଅନୁଭବ
ଏକ ଅନୁଭବ
1 min
404
ସାଗରରୁ ମୋତି ଆଣିବି ସାଉଁଟି
ଆକାଶରୁ ଜନ୍ହ ତାରା
ମୋ ପାରୁ ପଣିଆ ସାର୍ଥକ କରିବି
ତୋ ପାଇଁ ନୟନ ତାରା।
ଆଞ୍ଜୁଳା ଆଞ୍ଜୁଳା ଆଶୀର୍ବାଦ ସବୁ
ଠାକୁରଙ୍କୁ ଠାରୁ ମାଗି
ପାଖରେ ରଖିବି ଯତନେ ସାଇତି
କେବଳ ତୋହରି ଲାଗି।
ମୋ ସୁକୃତ ବଳେ ଯଦି ମିଳେ ପୁଣ୍ୟ
ସେ ଫଳ ତୁ ଭୋଗ କର
ସମସ୍ତ ଖୁସିର ଅଧିକାରୀ ହୋଇ
କଟିଯାଉ ଦିନ ତୋର।
ତୋ ଚନ୍ଦ୍ରଉଦିଆ କଅଁଳ ମୁହଁକୁ
ଚାହିଁଦେଲେ ଥରେ ମୁହିଁ
ସାତ ଜନ୍ମ ପୁଣ୍ୟ ପ୍ରାପତ ହେବାର
ଆନନ୍ଦ ମିଳଇ ତହିଁ।