Audio

Forum

Read

Contests

Language


Write

Sign in
Wohoo!,
Dear user,
ପ୍ରେମ ପାଇଁ ଋତୁଟିଏ
ପ୍ରେମ ପାଇଁ ଋତୁଟିଏ
★★★★★

© Sasmita Mahapatra None

Others

1 Minutes   7.0K    9


Content Ranking

କେଜାଣି କାହିଁକି

ତୁମେ ବେଶି ବେଶି

ମନେପଡ଼

ସକାଳୁଆ ନରମ ଖରାରେ

କେବେ ପୁଣି

ନିରୋଳା ସଂଜରେ

ତୁମେ ଚୁପ୍ କିନା

ଠିଆ ହୁଅ

ମୋ ଭିତରେ..।

ତମେ ମୋତେ ନା

ମୁଁ ତୁମକୁ

ମନେ ପକାଇବା ଆଗରୁ

ସମ୍ମୋହିତ ମନ୍ତ୍ର ସବୁ

ଭିଜେଇ ଦିଏ

ଅପେକ୍ଷୀତ ମୁହୂର୍ତ୍ତ ମାନଙ୍କୁ…।

ଛୁଇଁଯାଏ 

ଦେହରୁ ମନକୁ

ମନରୁ ପ୍ରାଣକୁ

ତୁମେ ଯେ ମୋ ଭିତରେ

ସମାହିତ ଅନନ୍ତକାଳରୁ..।

ପୁଣି କେବେ ସମ୍ଭାବନାରେ

ମହକୁଥିବା ସ୍ଵପ୍ନ ସବୁ

ଉଙ୍କିମାରେ

କିଛି ଶୁନ୍ୟତା

କିଛି ପରିପୂର୍ଣ୍ଣତା

ଆଉ କିଛି ତୁମ

ଭଲ ପାଇବାର ପ୍ରଗାଢ଼ତା

ଆବୋରି ବସେ

ଶବ୍ଦ ବି ଫିକା ପଡିଯାଏ

ମୁଁ ଆଉ ମୁଁ ହେଇ ନ ଥାଏ

କେମିତି କେଜାଣି ହଜିଯାଏ

ମୋ ଠୁ ତୁମ ଯାଏ 

ଯିବା ରାସ୍ତାରେ

ବହିଯାଏ ଆବେଗରେ...।

ମୁଁ କେବେ ବି ଭାବି ପାରେନି

ନିଜକୁ ତୁମବିନା

ତୁମେ ଇ ଆରମ୍ଭ

ତୁମେ ଇ ତ ଶେଷ..।

ଦେଇ ପାରିବ ଯଦି

ମତେ ସ୍ଵପ୍ନଟିଏ ଦିଅ

କିଛି କହିବାର ଭାଷା ଦିଅ

ପ୍ରତିଶ୍ରୁତିଟିଏ ଦିଅ

ପ୍ରେମରେ ପରିପୂର୍ଣ୍ଣ 

ଋତୁଟିଏ ଦିଅ...

ତୁମ ପ୍ରେମରେ

ମୁଁ ନିଃସ୍ଵ ହେବା ଆଗରୁ

ମତେ ଫେରେଇ ଦିଅ

ମୋ ଭିତରକୁ

ଥରେ ଖାଲି ଛୁଇଁ ଦେଇ

ନିଃଶବ୍ଦରେ ସ୍ଵପ୍ନ ବୁଣୁଥିବା

ରାତିଟିଏ ଦିଅ

ଯେଉଁଠି ସରିଯିବ ଦିଗ୍ବବଳୟ...।

#ସସ୍ମିତା ମହାପାତ୍ର

ତୁମେ ମୁହୂର୍ତ୍ତ ପ୍ରେମ

Rate the content


Originality
Flow
Language
Cover design

Comments

Post


Some text some message..