ମନ-ବଂଶୀ ଡାକେ ରେ...
ମନ-ବଂଶୀ ଡାକେ ରେ...
ମନ-ବଂଶୀ ଡାକେ ରେ...
ଆଭାକାନ୍ତ ମହାନ୍ତି
ପୁ : ମନ-ବଂଶୀ ଡାକେ ରେ...
ଆଗୋ ରାଜହଂସୀ
ଦୂରେ ଯାଅନା, ଦୂରେ ଯାଅନା
ସ୍ତ୍ରୀ : ବହୁଦୂର ପଥ ହେ...
ବେଳ ରତରତ
ଆଉ ଡାକନା, ଆଉ ଡାକନା । ୦ ।
ପୁ : ଡେଣା ଝାଡ଼ି ଯାଅ ଉଡ଼ି ନୀଳ ଗଗନେ
ତୁମକୁ ଦେଖୁଛି ନିତି ବସି ବିଜନେ,
ବଇଁଶୀର ସୁରେ ସୁରେ
ବେପଥୁ-ନଦୀର ଧାରେ,
ଡାକିଛି କେତେ ମୁଁ ସିନା...
ତୁମେ ବୁଝନା... ତୁମେ ବୁଝନା... । ୧ ।
ସ୍ତ୍ରୀ : ସବୁ ଶୁଣେ, ସବୁ ବୁଝେ, ରହିପାରେନା
ଶୁଣେନି ହୋଇବ ବୋଲି ନିନ୍ଦା ରଟନା,
ଦୁଇଟୋପା ଲୁହ ଢାଳି
ଦୂରେ ଦୂରେ ଯାଏ ଚାଲି,
ଖିଆଲି ହେ ! ବୁଝିଛି ମୁଁ...
ତୁମ ବେଦନା, ତୁମ ବେଦନା । ୨ ।
ପୁ : ମୁଁ ତୁମର ପ୍ରିୟ ଆଗୋ ତୁମେ ମୋ ପ୍ରିୟା
ସ୍ତ୍ରୀ : କହିନାହଁ କେମିତି ବା ବୁଝିବି ତାହା,
ପୁ : ଦୂର ତାରତମ୍ୟ ଆଜି
ଯାଉ ଗୋ ବିଲୟ ଭଜି,
ସ୍ତ୍ରୀ : ବଇଁଶୀରେ ମିଳନର
ସୁର ବାଅନା, ସୁର ବାଅନା । ୩ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****