ବନ୍ଦେ ଗୋ ଜନନୀ
ବନ୍ଦେ ଗୋ ଜନନୀ
1 min
147
ଉତ୍କଳ ଜନନୀ
ଚିର ସୁହାସିନୀ
ନମ୍ର ତୋ'ନିବେଦନ ।
ସୁଜଳା ସୁଫଳା
ତୋ'ମନ ମେଖଳା
ସୁବର୍ଣ୍ଣା ତୋ'ର ନୟନ ।
ନୟନରେ ତୋର
ମଧୁ ଝରୁଥାଏ
ଅଙ୍ଗ କେତେ ସପ୍ତ ରଙ୍ଗ ।
ପଣତ କାନିରେ
ମମତା ପସରା
ଇନ୍ଦ୍ର ଧନୁର ରଙ୍ଗ ।
ବନ୍ଦେ ଗୋ ଜନନୀ
ମୋ ମନ ବନ୍ଦିନୀ
ବନ୍ଦୀ ମୁଁ ତୋର କୋଳେ ।
ଓଡ଼ିଶାର ପ୍ରତି
ପୁରରେ ପୁରରେ
ତୋ ଶାନ୍ତ ପ୍ରତିମା ଖୋଜେ ।
ଖୋଜି ଖୋଜି ପାଏ
ଦିବ୍ୟ ସୁଖ ଶିରୀ
ସେ ଶିରୀରେ ନିଜେ ହଜେ ।
ସାତ ଦରିଆର
ସୁବର୍ଣ୍ଣରେଖା ତୁ
ବିଶ୍ୱରେ ବିଶ୍ୱ ମୋହିନୀ ।
ପ୍ରଣାମ କରୁଛି
ଚରଣେ ତୋହର
ହେ ମୋର ପୁଣ୍ୟ ଜନନୀ ।