ସାଥିଟିଏ ତୁମେ ମୋର ସାତଜନ୍ମର
ସାଥିଟିଏ ତୁମେ ମୋର ସାତଜନ୍ମର
ତୁମ ହାତ ସହ ମୋ ହାତ ଛନ୍ଦି
ବିବାହ ବନ୍ଧନରେ ହୋଇଛେ ବାନ୍ଧି
ସାଥିଟିଏ ତୁମେ ମୋର ସାତଜନ୍ମର
ଲକ୍ଷ୍ମୀ ନାରାୟଣ ପରି ଯୋଡି ଆମର ।
ଵିଵାହ ଅଟେ ଏକ ପବିତ୍ର ବନ୍ଧନ
ଦୁଇଟି ଆତ୍ମାର ଅପୂର୍ବ ମିଳନ
ଜନ୍ମଜନ୍ମାନ୍ତର ସାଥିର ବନ୍ଧନ
ଯୁଗେ ଯୁଗେ ରହେ ପ୍ରେମ ଚିରନ୍ତନ ।
ମନରେ ସାଇତି ରଖିବାଏହି ସ୍ମୃତିର ଦିନ
ହୃଦୟରେ ନାଚିଉଠେ ସୁନେଲୀ ସପନ
ଦୁଇଟି ମନର ଦୁଇଟି ଆତ୍ମାର ମହାମିଳନ
ମୁଁ ଶରୀର ହେଲେ ତୁମେ ମୋ ଜୀବନ ।
ସାଥିଟିଏ ତୁମେ ମୋର ସୁଖ ଦୁଃଖର
ହସ ଖୁସିରେ ଦୁହେଁ ମିଶି କରିବା ଘର
ସ୍ନେହ ପ୍ରେମ ଭରା ହେଵ ଆମ ସଂସାର
ହସି ଖେଳି ଉଠିବ ଅଗଣା ଘର ।
ଦଶଦିଗପାଳ ସାକ୍ଷୀ ରଖିବା
ଏକମନ ଏକ ପ୍ରାଣ ହୋଇ ବଞ୍ଚିବା
ତୁମ ହାତେ ଛନ୍ଦା ମୋ ଜୀବନ ଡୋରି
ଆଜିଠୁ ହେଲି ଅର୍ଦ୍ଧାଙ୍ଗିନୀ ତୁମରି ।
ତୁମେ ମୋ ଦେବତା ମୁଁ ତୁମ ପୂଜା ଫୁଲ
ଭୁଲ କେବେ ବୁଝିବନି ପାଏ ମୁଁ ତୁମକୁ ଭଲ
ଚାହେଁନା ତାଜମହଲ ଅବା ସୁରମ୍ୟ ସମାଧି
ଝଲସିଥାଉ ସର୍ବଦା ମୋର ମଥାର ବିନ୍ଦି ।
ଚାଲିବା ସାଥିଟିଏ ହୋଇ ସାରା ଜୀବନ
ମନରେ ନରହୁ କିଛି ମାନ ଅଭିମାନ
ଫଗୁଣର ରଙ୍ଗ ଜୀବନେ ଭରିଲ ହାତ ଧରି ମୋର
ଚଲାପଥର ସାଥୀଟିଏ ହୋଇ ରହିବ ସାତ ଜନମର ।