देवा थोडं थांब

घर थोडं आवरून येतो

स्वतःला थोडं सावरून येतो

कशात अडकलंय कळत नाही

मन तुझ्याकडे वळत नाही

तसं मन इथंही लागत नाही

पण खेळ संपता संपत नाही

थोडा वेळ लागेल मला

सारे बंध पाश सोडावयाला

जन्मोजन्मीच्या गाठी गुंतल्या आहेत

हृदयात, आतड्यात रुतल्या आहेत

पण तुला भेटायची लागली आहे आस

होऊ देत पुरे लवकर तूच दिलेले श्वास

तोपर्यंत तू दिलेली भूमिका पार पाडतो

पडदा पडेपर्यंत रंगभूमीवर तुझ्या बागडतो

म्हणशील तेव्हा सहज शांत एक्झिट घेतो

सर्व पात्रांचे निरोप घेऊन तुझ्याजवळ येतो