गाव

माझ्या गावाची कथा वेगळी

माझ्या गावाची व्यथा वेगळी

असून सर्व काही नाही वाटते

दिसायला तर सर्वांपेक्षा वेगळी

सुखात नांदती इथे माणसे

भेदभाव नाही कुणाच्या मनी

सुखदुःखात सहभागी होऊन

सहकार्य करती सकल जनी

जातीपातीच्या तोडून भिंती

सण उत्सव करती साजरे

कोणी कोणाच्या आडवं नाही

येथे कोणाला नाही माज रे

नसेल कोणतीच मूळ सुविधा

तरी कोणी कुरकुर करत नाही

मिळेल ती चटणी भाकर खाऊन

जीवन जगती हुरहुर कशाचे नाही

माझ्या गावाची ही परंपरा

जपली आहे संस्कृती म्हणून

देशाची एकता आहे टिकून

असे गाव घ्या जरा पाहून