યોગી
યોગી
1 min
439
ફૂલોની જેમ ખરવાનો ભય નથી;
માણસની જેમ મરવાનો ભય નથી !
વિચાર-વ્યવહાર, જાગતિક કારણોથી પર ,
સમાધિસ્થ પ્રજ્ઞ છું, હું દિગંબર-નગ્ન છું !
પીડા-વ્યથા વિના નિર્ભય-અભય છું;
મારે કંઈ જાય નથી, કોઈ પરાજય નથી!
છે, શૂન્ય, સનાતન, શાશ્વત સ્થિરતા !
જીવન-મૃત્યુથી અજરામર - અક્ષય છું;
મારે કંઈ લય નથી, કોઈ પ્રલય નથી !
શૂન્યમાંથી પ્રગટી શૂન્ય થયો છું ફરી ,
વત્તા-ઓછાં થવાનો હવે કોઈ ડર નથી !
તેથી જ તો..
ફૂલોની જેમ ખરવાનો ભય નથી;
માણસની જેમ મરવાનો ભય નથી !