આવશે ક્યારે ?
આવશે ક્યારે ?
1 min
6.8K
વ્યથા ભક્તોની હરનારો આવશે ક્યારે ?
ચીર દ્રોપદી તણાં પૂરનારો આવશે ક્યારે ?
પ્રતિક્ષાની પરમની પ્રતિપળ અકળાવતી,
બોર શબરીનાં આરોગનારો આવશે ક્યારે ?
સૂકાયાં નૈનઅશ્રુઓ સ્તુતિ પ્રાર્થના કરીકરી,
મામેરું કુંવર કેરું કરનારો આવશે ક્યારે ?
ભાર ધરાનો દિનપ્રતિદિન વધતો અવિરત,
ગિરિ ગોવર્ધનને ધરનારો આવશે ક્યારે?
છે સંકટમાં ધર્મને ભક્તોનાં પ્રાણ સુધ્ધાંએ,
પ્રહલાદને અભય બક્ષનારો આવશે ક્યારે?