પરોપકાર
પરોપકાર
1 min
13.8K
તરુવર નિ:સ્વાર્થ ફળે છે પરોપકાર કરીને,
સંત સૌ નિ:સ્વાર્થ જીવે છે પરોપકાર કરીને,
જીવન બની જાય સુગંધિત પરકાજ જીવે,
સરિતા નિસ્વાર્થ વહે છે પરોપકાર કરીને,
સહી સઘળો ભાર ધરા આશ્રય આપતી,
અવની નિ:સ્વાર્થ રહે છે પરોપકાર કરીને,
ઊભા અડીખમ ધુરંધર અંબરને આંબતા,
પર્વત નિ:સ્વાર્થ ટકે છે પરોપકાર કરીને,
આભ ઉજાળતો રવિ તેજતપને અર્પતો,
સૂરજ નિ:સ્વાર્થ તપે છે પરોપકાર કરીને,
પરોપકાર સદૈવ કાર્ય કરતાં ધન્ય જીવન,
સજ્જન નિ:સ્વાર્થ રહે છે પરોપકાર કરીને.