ગઝલ
ગઝલ
1 min
13.5K
મૌન કેવું તરફડે બોલકુ બની ,
નીર જેવું ખળભળે બોલકુ બની .
બીક જેવું છે નહી આ જગતમાં ,
તોય કેવું ફડફડે બોલકુ બની .
શું કહેવું,જો કોઇ બોલે નહી ,
માંખ જેવું બણબણે બોલકુ બની .
ચૂપકીદી છે છવાઇ ચોતરફ ,
કોણ પાછુ ગણગણે બોલકુ બની .
આમ તો લાગે સદા ડાહ્યું ડમરુ ,
તોપ જેવું ધણધણે બોલકુ બની .
દોડતું તે દૂર સુધી કારણ વિના ,
અશ્વ જેવું હણહણે બોલકુ બની .
સાવ ખાલી લાગતું 'જશ' આમ તો ,
જામ જેવું ખણખણે બોલકુ બની