શાને તું ?
શાને તું ?
1 min
13.3K
શાને જોખી જોખીને કૃપા વરસાવે છે તું ?
શાને ગણી ગણીને રહેમ નજર કરે છે તું ?
વિચારજે પરવરદિગાર આખરે માનવ છીએ,
શાને આફતની વણઝાર ત્યાં મોકલે છે તું ?
આધિ વ્યાધિને ઉપાધિગ્રસ્ત જીવ આખરે,
શાને એની અગનકસોટી વળી આદરે છે તું ?
પરીક્ષા હોય ત્યાં જ્યાં શંકાને હો અવકાશ,
શાને નાની નાની વાતે એને કરગરાવે છે તું ?
તારી કૃપાદ્રષ્ટિ અસીમ હોવી ઘટે હરિવર !
શાને તુજ ઉઠીને એને સીમીત કરે છે તું ?