એ શ્રાવણ હશે

મેઘ સરોવડે ઝરમર વરસે એ શ્રાવણ હશે,

"મહાદેવ હર" નાદ ગૂંજશે એ શ્રાવણ હશે.

શિવાલયોમાં શિવભક્તોનાં પૂજન અર્ચન,

"હર હર મહાદેવ" સૌ ઉચ્ચરશે એ શ્રાવણ હશે.

ભાઈ- બહેનનો પવિત્ર પ્રેમ પૂર્ણિમા પ્રકાશતી,

વીરાના હાથે રક્ષા શોભશે એ શ્રાવણ હશે.

સાતમ-આઠમ આગમને કૃષ્ણ જન્મ વધાઈ,

"નંદ ઘેર આનંદ ભયો" સંભળાશે એ શ્રાવણ હશે.

અમાવસ્યાના ટાણે 'પિતૃ' જલ પીપળે પામતાં,

ઉત્સવો ઉજવતાં વિદાય લેશે એ શ્રાવણ હશે.