Quotes New

Audio

Forum

Read

Contests


Write

Sign in
Wohoo!,
Dear user,
વર્ષાનો મેઘલો
વર્ષાનો મેઘલો
★★★★★

© Jashubhai Patel

Others

1 Minutes   7.0K    7


Content Ranking

તું અને હું... હું અને તું આપણે,
બન્ને એક જ સંસાર સાગરના પ્રવાસી,
તો યે આપણી વચ્ચે,
ધસમસાટ ધસમસતું આ મૌન કેમ?

તું દૂર દૂર વસતો આકાશી તારલો,
ને હું એક નાનકડો ટમટમતો દિપ,
તો યે આપણી વચ્ચે,
ટપક ટપક ટપકતું આ અંધારું કેમ?
તું ટેહૂંક ટેહૂંક ગહેંકતો વનનો મોરલો,
ને હું સહજ ઝૂકેલી આંબલિયાની ડાળ,
તો યે આપણી વચ્ચે,
થનગનાટ થનગનતી આ ખામોશી કેમ?

તું ગડગડાટ ઘૂઘવતો વર્ષાનો મેઘલો,
ને હું ઝબૂક ઝબૂકતી નાનકડી વીજ,
તો ય આપણી વચ્ચે,
ધોધમાર વરસતી આ ઉદાસી કેમ?
તું પળ પળ સતાવતો પાગલ વાયરો,
ને હું નવલી નવોઢા સમ ફરફરતી લટ,
તો ય આપણી વચ્ચે,
ક્ષણ ક્ષણ તરસતી આ શરમ કેમ?

ગીત

Rate the content


Originality
Flow
Language
Cover design

Comments

Post

Some text some message..