ગઝલ

રાત રિસાઇ જાય તે પહેલાં આવીજા ,

યાદ ઓગળી જાય તે પહેલાં આવીજા .

ક્યાં લગી જોવડાવીશ રાહ આમ તું ,

સપનાં ઊંઘી જાય તે પહેલાં આવીજા .

રોજ બેસીને તને યાદ કર્યા કરુંં છું ,

આશા કરમાઇ જાય તે પહેલાં આવીજા .

ખબર નથી પડતી શું રોકે છે આવતાં ?

મન મુરજાઇ જાય તે પહેલાં આવીજા .

નભના તારલા પણ કંટાળ્યાં છે હવે બધા ,

એ બધા સંતાઇ જાય તે પહેલાં આવીજા .

જીંદગીનો શું ભરોસો છે બોલ ' જશ ' હવે ,

શ્વાસ આ છૂટી જાય તે પહેલાં આવીજા