પાનખર
પાનખર
1 min
7.3K
મુજ ‘પાનખર’ને પ્રેમ કરતું ના કોઈ,
પાંદડે વળતી પીળાશને હરતું ના કોઈ;
વીતેલી વસંતને વહાલ સૌ કરતું,
અમ એકલતાને ક્યાં કોઈ વરતું?
પંખીઓ ઉડી ગયા, પાછુ ફરતું ન કોઈ,
સિવાય સૂકાં પર્ણો ફરફરતું ન કોઈ
ભરબપોરે ભેંકાર વરતાવે વાયરો,
વૃક્ષો ભાસે છે જાણે હાડપિંજરો,
જે ખીલતું તે ખરતું આ નિયમ છે નિયતીનો,
કાયમ લીલાશ ઓઢી રહેતું ન કોઈ,
ખેદ, ખાલીપો, ખરતી આશાઓ
મુજ પાનખરની વ્યથાને હરતું ન કોઈ...