આમ જુઓ તો કંઈ નહિ
આમ જુઓ તો કંઈ નહિ
આમ જુઓ તો કંઈ નહિ
આમ જુઓ તો ચહેરા
આમ જુઓ તો લાગે માણસ
આમ જુઓ તો મહોરાં!
લાગે કદીક ખુશખુશાલ
ને કદીક રડમશ રડતો
નાની અમથી વાતમાં
રહેતો હરદમ લડતો!
આમ જુઓ તો લાગે માણસ
આમ જુઓ તો મહોરાં!
પ્રેમનાં નાટક રોજ કરે,
પ્રેમ ન કરે કદી બીજાને,
ખોટું ખોટું રોજ હસે,
છેતરે ખુદને ને બીજાને!
આમ જુઓ તો લાગે માણસ,
આમ જુઓ તો મહોરાં!
કરે પ્રેમ પોતાની જ જાતને,
પરવા ન કરે કદી બીજાની,
હોય ન કશો દમ વાતમાં એની,
તોયે કરે વાત કાયમ મજાની!
આમ જુઓ તો લાગે માણસ,
આમ જુઓ તો મહોરાં!
કરે વાત આભના તારા તોડવાની,
પણ સેક્યો પાપડેય ના ભાંગે,
આવે ચેલેન્જ જરીક જીવનમાં,
દૂમ દબાવી ઊભી પૂંછડીયે ભાગે!
આમ જુઓ તો લાગે માણસ,
આમ જુઓ તો મહોરાં!
રડમસ રડતો ચહેરો રાખે,
ફરે લઇને ઝોળી દુઃખની,
માને પોતાને રાજા હરિચંન્દ્ર,
કરે રોજ ફરિયાદો સૌની.
આમ જુઓ તો લાગે માણસ,
આમ જુઓ તો મહોરાં!
આમ જુઓ તો કંઈ
આમ જુઓ તો ચહેરા,
આમ જુઓ તો લાગે માણસ,
આમ જુઓ તો મહોરાં!