બંધ કરે

અરીસાને કહી દો સામે જોવાનું બંધ કરે

રાખીશ આંખો બંધ હું, આમ ન તંગ કરે

 

ગમે તેવો ભલેને છું હું

પ્રેમ તો સૌને કરું છું હું

મારી જ સાથે રોજ આમ ન જંગ કરે

અરીસાને કહી દો સામે જોવાનું બંધ કરે

 

જ્યારે મારી સામે હસે છે

ત્યારે તે મને બહુ ગમે છે

ખુશી ખુશી સદા આમ મારો જ સંગ કરે

અરીસાને કહી દો સામે જોવાનું બંધ કરે

 

કોઈ કહે દુનિયા બેરંગી છે

કોઈ કહે જગ ફિરંગી છે

છોડી બધા રંગો મને મનગમતો જ રંગ કરે

અરીસાને કહી દો સામે જોવાનું બંધ કરે

 

બનાવટી પ્રેમ અહીનો દસ્તુર છે

ખોટા વખાણ 'જશ' વિવેક છે

અરીસાની મર્યાદાનો સૌ આમ ન ભંગ કરે

અરીસાને કહી દો સામે જોવાનું બંધ કરે

 

અરીસાને કહી દો સામે જોવાનું બંધ કરે

રાખીશ આંખો બંધ હું, આમ ન તંગ કરે