Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

ଅବିନାଶ ସାହୁ

Others


4.6  

ଅବିନାଶ ସାହୁ

Others


ସ୍ୱାଧୀନତା

ସ୍ୱାଧୀନତା

3 mins 667 3 mins 667

ଆମର ଜାତିର ପିତା ମହାତ୍ମା ଗାନ୍ଧୀ କହିଥିଲେ " ଯେବେ ଆମର ଝିଅ ବୋହୁ ରାତି ୧୨ ଟା ରେ ବାହାରେ ବୁଲି ପାରିବେ, ସେଇଟା ହେବ ଆମର ପ୍ରକୃତ ସ୍ୱାଧୀନତା " । ସେଇଟା କେତେ ପ୍ରତିଶତ ସତ ଥରେ ଭାବିକି ଦେଖିବା । ଯଦି ସମସ୍ତେ ନାରୀର ସ୍ୱାଧୀନତା କୁ ପ୍ରକୃତ ସ୍ୱାଧୀନତା ବୋଲି ଭାବିବେ, ତା'ହେଲେ ନିଜର ନିଦ୍ରା ଭଙ୍ଗ କରି ନିଜର କଳୁଷିତ ଆଖିକୁ ପଚାରିକି ଦେଖ । ଯଦି ପାରୁଛ ଅନ୍ତତଃ ଥରେ ଆଖି ବନ୍ଦ କରିକି ଭାବି ଦେଖ ।


ଈଶ୍ୱରଙ୍କ ସୁନ୍ଦର ରଚନା ହେଉଛି ମାନବ । ଏହା ସମସ୍ତେ ଜାଣନ୍ତି ଏବଂ ମାନନ୍ତି ମଧ୍ୟ । ଆମ ପୃଥିବୀ ରେ ଯେଉଁ ଅନ୍ୟ ପ୍ରାଣୀମାନେ ଅଛନ୍ତି, କଣ ସେମାନେ ଈଶ୍ୱରଙ୍କ ପ୍ରଦୂଷିତ ରଚନା ? କଣ ଏଠି ସେମାନେ ଜନ୍ମ ନେଇଛନ୍ତି ମନୁଷ୍ୟର ଶିକାର ଏବଂ ଗୋଲାମ ହେବାକୁ ? କଣ ସେମାନେ ଜନ୍ମ ନେଇଛନ୍ତି ମନୁଷ୍ୟଠାରୁ କେବଳ ଯନ୍ତ୍ରଣା ପାଇବାକୁ ? ହଁ, ଆପଣମାନେ କହିବେ ସେମାନଙ୍କ ପାଇଁ ଆମ ରଙ୍ଗ ଆଉ ଢଙ୍ଗ ରେ ସୁନ୍ଦର ସୁସଜିତ ଘର ବନାଇ ଦେଇଛୁ । ଯେଉଁଠି ସେମାନେ ଆନନ୍ଦ, ସୁରକ୍ଷିତ ଏବଂ ସୁସ୍ଥରେ ବିଚରଣ କରିପାରିବେ । ହଁ, ଆମେ ତାକୁ ଚିଡିଆଖାନା ନାଁ ଦେଇଛୁ ।


ଚିଡିଆଖାନା ନାଁ ଶୁଣିଲେ ଆମେ ଖୁସିରେ ଝୁମି ଉଠୁ । ଆଉ ସେଠାକୁ ବୁଲିଯିବାକୁ ଇଛା ପ୍ରକାଶ କରୁ । ସେଠାରେ ଥିବା ବାଘ, ଭାଲୁ, ମାଙ୍କଡ଼ ଇତ୍ୟାଦି କେତେ ପ୍ରକାରର ପଶୁପକ୍ଷୀ ସବୁ ଦେଖୁ ଏବଂ ତାଙ୍କ ସହ ସେଲ୍ଫି ନେଇ ଫେସବୁକ ଆଉ ଇନ୍ଷ୍ଟଗ୍ରାମ ରେ ଛାଡୁ ଏବଂ ଆନନ୍ଦିତ ହେଉ । ସେଠାରେ ଥିବା ସମସ୍ତ ପଶୁପକ୍ଷୀଙ୍କୁ ହଇରାଣ ହରକତ କରୁ ।


ଅଜଗରଟିଏ ଯଦି ପିଞ୍ଜରାରେ ସୋଇଥାଏ ଆମେ ବାଡ଼ିରେ ଆଘାତ ଦେଇ ତାକୁ ଉଠେଇବାକୁ ଚେଷ୍ଟା କରୁ । ଯଦି କୌଣସି ଛୋଟିଆ ସାପଟେ ଆମ ଘରେ ପଶିଯାଏ ଆମେ ଭୟଭୀତ ହୋଇ ତାର ଜୀବନ ନେବାକୁ ଆମେ ପଛାଉନାହୁଁ । କାରଣ କଣ ଜାଣିଛ, କାହିଁକି ନା ସେ ସାପ ତାର କୌଣସି ସ୍ୱାଧୀନତା ନାଇଁ ଯେ , ସେ ଯେକୌଣସି ସ୍ଥାନକୁ ନିର୍ଭୟ ରେ ଯା ଆସ କରିପାରିବ । ହେଲେ ଏହି ସ୍ୱାର୍ଥପର ମଣିଷ ନିଜ ପେଟ ପାଇଁ ତା ଘର ଭାଙ୍ଗି, ସେଇ ସାପକୁ ନିଜ ପେଡି ରେ ସବୁଦିନ ବନ୍ଦ କରି ତାକୁ ପରାଧୀନ କରି ରଖୁଛି । ଆଉ ଗାଁ ଗାଁ ବୁଲି ଖେଳ ଦେଖାଉଛି, ଯେଉଁ ସାପ ଜାଣିନି ଖେଳ କଣ ବୋଲି ସେ ତ ଅତ୍ୟାଚାରର ଶିକାର ହୋଇ ଏମିତି ଖେଳ ଦେଖଉଥାଏ । ଆମେ ତାର ଅତ୍ୟାଚାର କୁ ଦେଖି ମଜା ନେଉ ଆଉ ତାଳି ମାରୁ । କଣ ଏଇଟା ହେଉଛି ମାନବିକତା ?


ଯଦି ଆମେ ଶହେ ବର୍ଷ ପୂର୍ଵକୁ ଫେରିଯିବା, ତେବେ ଆମେ ଦେଖିବାକୁ ପାଇବା ପ୍ରକୃତିର ସ୍ୱେନ୍ଦର୍ଯ୍ୟକୁ । କ୍ରମଶଃ ମନୁଷ୍ୟର ଘନତ୍ଵ ବଢିବାକୁ ଲାଗିଲା ଏବଂ ପୃଥିବୀର ସ୍ୱେନ୍ଦର୍ଯ୍ୟ କମିବାକୁ ଲାଗିଲା । ନିଜର ସ୍ଥାୟୀତ୍ୱ ପାଇଁ ସେ ଗଛ ସବୁ କାଟିଚାଲିଲା, ପଶୁପକ୍ଷୀ କୁ ବି ହତ୍ୟା କରିଚାଲିଲା । କଣ, ସେମାନଙ୍କର ସ୍ୱାଧୀନତା, ସ୍ୱାଧୀନତା ନୁହେଁ ?


ଆମେ ଜାଣିଛୁ ଆଜି ଆମ ଦେଶ ଆଉ ବିଶ୍ୱ ଏକ ସାଙ୍ଘାତିକ ମହାମାରୀ କବଳରେ ପଡିଛି । ସେଥିପାଇଁ ବୁଦ୍ଧିଜୀବୀ ମନେ ମତ ଦେଇଛନ୍ତି ଘରେ ରୁହନ୍ତୁ ଆଉ ସୁସ୍ଥ ରୁହନ୍ତୁ । ହେଲେ ଆମେ ମାନେ କଣ କରୁଛୁ, ଲୁଚି ଲୁଚି ବୁଲୁଛୁ । କିଛି ମାସ ଘରେ ରହିବାଟା ଯେମିତି ଅଭିଶାପ ପରି ଲାଗୁଛି ।


ହେଲେ ଆମ ଚିଡିଆଖାନାରେ ଥିବା ସମସ୍ତ ଜୀବ ଜନ୍ତୁ କେତେ ବର୍ଷ ଏବଂ କେତେ ପୀଢ଼ି ସେଇ ଗୋଟେ ଘରେ କାଟି ସାରିଥିବେ ତାହା ବି ଆମକୁ ଅଜଣା । ସେମାନେ ପୃଥିବୀର ସ୍ୱେନ୍ଦଯ୍ୟ କଣ ବି ଜାଣିନାହାନ୍ତି । ନିଜର ବ୍ୟଥା କଷ୍ଟ ସବୁ ସହି ସେମାନେ ପାଲଟିଯାଇଛନ୍ତି ମଣିଷମାନଙ୍କର ମନୋରଞ୍ଜନର ଏକ ମାଧ୍ୟମ । ତାଙ୍କର ଅସହାୟକୁ କେହି ବୁଝି ପାରନ୍ତି ନାହିଁ । ନିଜର ମନୋରଞ୍ଜନ ସରିଲା ପରେ ସେମାନଙ୍କୁ ଭୁଲି ଯାଉଛନ୍ତି ।


ଆମ ରାଜ୍ୟ ସରକାରର ଉଦାହରଣ ନେଇକି ଟିକେ ଦେଖିବା । ଆମ ସରକାର ବାହାର ରାଜ୍ୟରୁ ଲୋକଙ୍କୁ ଆଣି ପୃଥକ ଘରେ ରଖୁଛନ୍ତି ଏବଂ ବିନା ମୂଲ୍ୟ ନେଇ ଖାଇବାକୁ ଦେଉଛନ୍ତି, ହେଲେ ଆମ ଲୋକ ତ ମହାନ ଖାଇବା ପସନ୍ଦ ନ ଆସିବାରୁ ଖାଇବା ଫିଙ୍ଗାଫିଙ୍ଗି କରି ବିଶୃଙ୍ଖଳା ସୃଷ୍ଟି କରୁଛନ୍ତି । ସେଇ ଲୋକ ଯେତେବେଳେ ଘରେ ଥାଏ, ସେ ଗାଈ ଠାରୁ ଛୁଆକୁ ଅଲଗା କରି ସବୁ କ୍ଷୀର ନେଇ ଆସେ ଏବଂ ସେ ନିଜେ ଭଲ ଖାଇ ସେ ଗାଈକୁ ପୋକା ପଚା ଖାଦ୍ୟ ଦିଏ ଖାଇବାକୁ । ହେଲେ ଆମେ ମଣିଷ ମନେ କେବେବି ଚିଡିଆଖାନା ରେ ଥିବା ପଶୁପକ୍ଷୀଙ୍କ କଥା ଭାବିନୁ, ସେମାନେ ଠିକ ପରିମାଣରେ ଖାଉଛନ୍ତି କି ନାଇଁ କିନ୍ତୁ ଆମର ମନୋରଞ୍ଜନ ଦରକାର ଆଉ କିଛି ନୁହଁ ।


ମନୁଷ୍ୟ ନିଜର ସ୍ୱାଧୀନତା ପାଇଁ ଯେତେ ତତ୍ପର ଥାଏ, ସେମିତି ଅନ୍ୟ ଜୀବଜନ୍ତୁ ପାଇଁ ବି ହେବା ଦରକାର । ନିଜର ସ୍ୱାର୍ଥ ତ୍ୟାଗ କରି ସମସ୍ତଙ୍କୁ ଭଲ ପାଇବା ଦରକାର ଏବଂ ସେମାନଙ୍କୁ ଭି ସ୍ୱାଧୀନତାର ସହ ବଞ୍ଚିବାକୁ ଦେବା ଦରକାର ।



Rate this content
Log in