Library
Profile
ଉତ୍କଳ ମହାତ୍ମା ଉତ୍କଳମଣି
ଉତ୍କଳ ମହାତ୍ମା ଉତ୍କଳମଣି
ଉତ୍କଳୀୟ ଆତ୍ମା ଉତ୍କଳ ମହାତ୍ମା
ଦରଦୀ କରୁଣା ସିନ୍ଧୁ
ଉତ୍କଳ ମାଟିର ଗର୍ବ ଗଉରବ
କର୍ମଯୋଗୀ ଗୋପବନ୍ଧୁ ।
କେଉଁ ଉପାଦାନେ ହୃଦୟ ତୁମ୍ଭରି
ବିଧାତା ଥିଲାକ ଗଢ଼ି
ପୀଡିତ ଅନ୍ତର ଅବ୍ୟକ୍ତ ରୋଦନ
ପାରୁଥିଲ ତୁମ୍ଭେ ପଢ଼ି ।
ହୃଦୁ ଝରୁଥିଲା ଲୋତକର ଝର
ନୟନୁ ରୁଧିର ଧାର
ରଙ୍କିର ଉଦର ଭରୁଥିଲ ତୁମ୍ଭେ
ନିଜେ ଉପବାସେ ସ୍ଥିର ।
ଦଳିତ,ପୀଡିତ, ନିଶ୍ୱ, ଅରକ୍ଷିତ
ଦେଖି କାନ୍ଦୁଥିଲ ତୁମ୍ଭେ
ନିଜକୁ ସମର୍ପି ସ୍ୱାର୍ଥମେଧ ଯଜ୍ଞେ
ଦେଶସେବା ମନ୍ତ୍ର ଦମ୍ଭେ ।
<
br>
ସତତ ମହତେ ସତ ତମ ହତେ
ବକୁଳର କର୍ମଶାଳ
ସାକ୍ଷୀ ଅଛି ସେହି ଗଢ଼ିଥିଲ ଯହିଁ
ମଣିଷ ତିଆରି କଳ ।
ଭାଷା ପ୍ରୀତି ନଈ ଅନ୍ତରରୁ ବହି
ହୃଦେ ହୃଦ ସ୍ପର୍ଶ କରି
ଗୁରୁ ଗମ୍ଭୀର ଓଜସ୍ୱିନୀ ଗୀର
ବକ୍ତୃତାରୁ ପଡେ ଝରି ।
ପ୍ରଥମ ଦୈନିକ ଖବର ସମାଜ
ଛପାଇଲ ଛାପାକଳେ
ଦୂର ଦୂରାନ୍ତର ଅଶୁଣା ଖବର
ଦେଲ ହାତ ପାଆନ୍ତାରେ ।
କୋଟି ତାରା ମେଳେ ତୁମେ ପୂର୍ଣ୍ଣ ଶଶୀ
ତୁମେ ବାସ୍ତବ ଉତ୍କଳ ମଣି
ଅମ୍ଳାନ ରହିବ କୀର୍ତ୍ତି ସ୍ତମ୍ଭ ତବ
କାଳ ପ୍ରବାହକୁ ଜିଣି ।
