ଉତ୍କଳ ଦିବସ

ପୁକାରେ ଓଡିଶା ଉତ୍କର୍ଷ ଉତ୍କଳ 

ପ୍ରାଣ ହୁଅ ସଞ୍ଜିବୀତ 

ବରଷକେ ଥରେ ଅପ୍ରେଲ ପହିଲା

ହୋଇଅଛି ଉପଗତ ।

ଗୌରବ ଉଜ୍ଜ୍ବଳ ଆମ ପରମ୍ପରା

ସୁସମୃଦ୍ଧ ନୌବାଣିଜ୍ୟ

ଉଦ୍ଭାସେ ଦିଗନ୍ତେ ନବୀନ ପ୍ରଭାତ

ଉଦେ ଦୀପ୍ତିମାନ ସୂର୍ଯ୍ଯ ।

ଐର ଖାରବେଳ କେଶରୀ ଯଯାତି

ବୀର କପିଳେନ୍ଦ୍ର ଦେବ

ଜାଗ ଉତ୍କଳୀୟ ବଳ ଶତସିଂହ 

ଯଶକୀର୍ତ୍ତି ସମୁଦ୍ଭବ ।

ତୁମ କର ସ୍ପର୍ଶ ସ୍ବପ୍ନ ଭାବକଳ୍ପେ

ପାଷାଣରେ ଫୁଟୁ ପ୍ରାଣ 

ସୁନାର ଫସଲ ହେଉ ଉତ୍ପାଦନ 

ହସି ଉଠୁ ବିଲ ବନ ।

ରଚ ଇତିହାସ କାବ୍ଯ ସୁସାହିତ୍ଯ 

ସତ୍ଯ ହେଉ ଉଜାଗର 

ଧର୍ମ ସୁସଂସ୍କୃତି ଐତିହ୍ଯ କୀରତି

ସୁରକ୍ଷ ପୁନରୁଦ୍ଧାର ।

ଭାଷା ସ୍ବତନ୍ତ୍ରତା ଭାବ ସମନ୍ବୟେ

ଓଡିଶା ହେଉ ଅନନ୍ଯା

ଉଡୁ ବୈଜୟନ୍ତୀ ଶ୍ରୀପୁରୁଷୋତ୍ତମେ

ପତିତପାବନ ବାନା ।

ଜ୍ଞାନ କଉଶଳ ପ୍ରଯୁକ୍ତି ପ୍ରୟୋଗେ

ହୋଇ ଆମେ ସୁସମୃଦ୍ଧ

ନେବା ସୁସଙ୍କଳ୍ପ ସାଧିବା ସୁଲକ୍ଷ୍ଯ 

ସ୍ବାତନ୍ତ୍ର୍ଯେ ହେବା ଉଦବୁଦ୍ଧ ।