ତୁମପାଇଁ

• ତୁମପାଇଁ

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• କୋଟି କଦମ୍ବର ସୁଗନ୍ଧ ସମ୍ଭାର

• ପଦ୍ମିନୀ ଅଳସୀ କନ୍ୟା

• ରୂପେଲି ଜୋଛନା ରଙ୍ଗ ଅଙ୍ଗ ଭରା

• ମାନିନୀ ସୁମତୀ ଲଳନା ।।

•

• କୁନ୍ତଳ, କୁନ୍ତଳା ,ନୀଳ ମେଘ ମାଳା

• ଅବା କି ସାଗର ଲହରୀ

• ମୁଖ ମୁକୁର ର ଶୋଭା ମନ ଲୋଭା

• ନିଶାପତି ନୁହେଁ ସରି ।।

•

• ସରେ ସରରୁହ ସୁଷମ ସୁଷମା

• ତହୁଁ ବଳି ଦିଶେ ତୋରା

• ଅଳକା ପୁରୀର ଅଲିଅଳି ବାଳା

• ଅବା କିବା ଅପସରା ।।

•

• ନଥିବ କୁମାରୀ କାହିଁ ବା ଏପରି

• କୁଆଁ ତାରା ସମ ତୋରା

• ମୁହୁ ଝରା ମଧୂ ଚାନ୍ଦିନୀ ରାତିର

• ସପନ ସୁନ୍ଦରୀ ବାଳା ।।

• ++++ +++++ ++++