ତୁମକୁ ମୁଁ ଚିନ୍ତେ ସଦା
ତୁମକୁ ମୁଁ ଚିନ୍ତେ ସଦା
ମୋ ଅଙ୍ଗରେ ପୀଡ଼ା ହୁଏ ଯେବେ ନାଥ
ଲାଗେନା କି ତିଳେ ବାଧା ,
ତୁମରି ନାମକୁ ଗଣ୍ଠିଧନ କରି
ଜପୁଅଛି ପରା ସଦା ।
କୀଟୁ ବ୍ରହ୍ମଯାଏ ସର୍ବବ୍ୟାପୀ ତୁମେ
ଏ କଥାଟି ଚିର ସତ୍ୟ ,
ସେଥିପାଇଁ ପରା ଏ ସମଗ୍ର ସୃଷ୍ଟି
ତୁମ ନାମ ଜପେ ନିତ୍ୟ ।
ଏ କଥାଟି ହେଜ ରଖି ହେ ଗୋବିନ୍ଦ
ତୁମକୁ ମୁଁ ଚିନ୍ତେ ସଦା ,
ମୋଅରି ଭିତରେ ତୁମେ ରହି ପରା
ଯାତନା ଭୋଗୁଛ ଅଧା ।
ସେଇଥିପାଇଁ ମୁଁ ଅଶେଷ ଯାତନା
ଆଜିଯାଏ ଅଛି ସହି ,
ସର୍ଵ ସଂକଟରୁ ଉଦ୍ଧରି ରଖୁଛ
ଦୟାନିଧି ନାମ ବହି ।
କରୁଣା ଏତିକି କରିଥାଅ ନାଥ
ତୁମ ପଦେ ଥାଉ ମତି ,
ସୁଖେ ଦୁଃଖେ ମୋତେ ସାହା ହୋଇଥାଅ
ବାକିଦିନ ଯାଉ ବିତି ।