ତୁମେ ପ୍ରଶଂସାର ପାତ୍ର

ଫୋନି ଆଗମନ ସୂଚନା ମାତ୍ରକେ,

ଦେଖାଇଲ ତତ୍ପରତା ।

ଆଦେଶିଲ ସର୍ବ ଅଧିକାରୀଗଣେ,

ବାଣ୍ଟିବାକୁ ସହାୟତା ।

ସ୍ୱଳ୍ପ ସମୟରେ ସ୍ଥାନାନ୍ତରଣର,

ତୁମେ ଯେ ରଚିଲ କୀର୍ତ୍ତି ।

ତୁମ ପ୍ରଶଂସାରେ ମୁଖରିତ ବିଶ୍ବ,

ଦେଖି ତୁମ ଭାବମୂର୍ତ୍ତି ।।

ବଳିଷ୍ଠ ତୁମର ପଦକ୍ଷେପ ପାଇଁ,

କମ୍ ହେଲା କ୍ଷୟକ୍ଷତି ।

ଜନଜୀବନ ବି ଲଭିଲେ ଆଶ୍ୱସ୍ଥି,

ଦମ୍ଭ କରିଥିଲେ ଛାତି ।।

ଆକାଶମାର୍ଗରୁ ସ୍ଥିତି ପରଖିଲ,

ବୟସର ଅପରାହ୍ନେ ।

ହେ ନବୀନ ତୁମେ ଜିତିଲ ହୃଦୟ,

ଓଡିଶା ରଖିବ ମନେ ।।

ତୁମ କାର୍ଯ୍ୟ ଦେଖି ମାନ୍ୟବର ମୋଦି,

ବଢାଇଲେ ତାଙ୍କ ହାତ ।

ଧନ୍ୟ ଧନ୍ୟ ଆହେ ବିଜୁଙ୍କ ସନ୍ତାନ,

ତୁମେ ପ୍ରଶଂସାର ପାତ୍ର ।।