ତୁମ ପ୍ରତୀକ୍ଷାରେ ଆମେ

ଗ୍ରୀଷ୍ମର ଉତ୍ତାପେ ଦହୁଅଛି ଦେହ,

ଲୋଡା ଟିକେ ଶିତଳତା ।

ତୁମେ କ'ଣ ବର୍ଷା ଦେବନାହିଁ ଦେଖା ?

ମନେପଡେ ତୁମ କଥା ।।

ମୟୁର ନାଚୁଛି କେତେ ରଙ୍ଗେ ଦେଖ,

ବନରେ ପୁଛକୁ ମେଲି ।

କାହିଁକି ବିଳମ୍ବ କରୁଅଛ ତୁମେ,

ତୁମକୁ ଝୁରେ ସେ ଖାଲି ।।

ଅବନୀ ଚାହୁଁଛି ପିନ୍ଧିବାକୁ ଟିକେ,

ସବୁଜ ରଙ୍ଗର ଶାଢୀ ।

ତୁମ ସେ ସ୍ପର୍ଶରେ ଭିଜେଇ ଦିଅ ହେ,

କଅଁଳୁ ଫୁଲର କଢି ।।

ଚାଷୀଟିଏ ପରା ତୁମ ବାଟ ଚାହିଁ,

କ୍ଷେତରେ ବୁଣିଛି ଶସ୍ଯ ।

ତୁମେ ନ ଆସିଲେ ଚଷା ପୁଅ ଓଠେ,

ଫୁଟି ପାରିବକି ହସ ?

ଭିଜା ମାଟିଟିର ବାସନା ପାଇଁକି,

ପଡିଗଲୁ ତୁମ ପ୍ରେମେ ।

କେବେ ଆଉ ତୁମେ ପହଞ୍ଚିବ ଆସି ?

ତୁମ ପ୍ରତୀକ୍ଷାରେ ଆମେ ।।