ତଥାପି ଆମେ ସ୍ବାଧୀନ
ତଥାପି ଆମେ ସ୍ବାଧୀନ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଦାନା ଟିକେ ପାଇଁ କାନ୍ଦୁଛି ଗରିବ
ଯନ୍ତ୍ରଣା ଭରା ଜୀବନ ,
ତଥାପି ଆମେ ସ୍ୱାଧୀନ ।
କାନ୍ଦୁଛି ବେବିନା, ଇତିଶ୍ରୀ , ନିର୍ଭୟା
ଚାଲିଗଲା ତାଙ୍କ ପ୍ରାଣ ,
ତଥାପି ଆମେ ସ୍ୱାଧୀନ ।
ପେଟ ପାଇଁ ଏଠି ମାଆ ବିକେ ଛୁଆ
ଅନ୍ତର କରେ କ୍ରନ୍ଦନ ,
ତଥାପି ଆମେ ସ୍ୱାଧୀନ ।
ନିରୁପାୟ ହୋଇ ଚାଷୀ କରେ ଏଠି
ଆତ୍ମହତ୍ୟା ପ୍ରତିଦିନ ,
ତଥାପି ଆମେ ସ୍ୱାଧୀନ ।
ନ୍ୟାୟ ପାଇଁ ଆଜି ସାଧାରଣ ଲୋକ
ହୁଏ କେତେ ହୀନିମାନ,
ତଥାପି ଆମେ ସ୍ୱାଧୀନ ।
ଗରିବ ପେଟକୁ ଲାତ ମାରି ଏଠି
ଦଲାଲ କରେ ଲୁଣ୍ଠନ ,
ତଥାପି ଆମେ ସ୍ୱାଧୀନ ।
ଯୌତୁକ ଜୁଇରେ ଜଳେ ଆଜି ନାରୀ
ହାନି ହୁଏ ତା ସମ୍ମାନ ,
ତଥାପି ଆମେ ସ୍ୱାଧୀନ ।
କନ୍ୟା ଭୃଣ ହତ୍ୟା ହୁଏ ଏଠି ନିତି
ହୁଅଇ ନାରୀ ଧର୍ଷଣ ,
ତଥାପି ଆମେ ସ୍ୱାଧୀନ ।
ପରାଧୀନ ପାଶେ ବନ୍ଧା ପଡିଅଛି
ଆମ ଦେଶର ସ୍ୱାଧୀନ ,
ତଥାପି ଆମେ ସ୍ୱାଧୀନ ।