ସୁସ୍ଥ ଗଣତନ୍ତ୍ର

କରି ଭୋଟ ଦାନ ଗଣତନ୍ତ୍ର ମାନ

ବିଶ୍ବରେ କରିବା ଉଚ୍ଚ

ଜାଣିଥାଅ ସଖି ଚିହ୍ନକୁ ନଦେଖି

ଭଦ୍ରବ୍ୟକ୍ତି ଦେଖି ବାଛ ।

ଶତ ପ୍ରତିଶତ ଭୋଟର ଯେଦିନ

କରତବ୍ଯ ନିଜ ମଣି

ଭୋଅଟ କେନ୍ଦ୍ରରେ ଆପେ ପହଞ୍ଚିବେ

ସୁଦିନ ଆସିବ ପୁଣି ।

ମଦ ମାଂସ ତେଜି ବିବେକକୁ ହେଜି

ଯୋଗ୍ୟ ପ୍ରାର୍ଥୀ ଚୟନରେ

ଦେଶର ପ୍ରଗତି ହେବ ଉଚ୍ଚ ଗତି

ଦେଖ ବେନି ନୟନରେ ।

ଦଳକୁ ନଦେଖି ଦେଶ ହିତ ଲାଗି

ସେବକ ବାଛିବା ଆମେ

ରାଷ୍ଟ୍ରକୁ ନିଜର ମଣି ମାଆ ସମ

ଦେଖାଇବ ନିଜ କାମେ ।

ସୁସ୍ଥ ଗଣତନ୍ତ୍ର ହେଲେ ପ୍ରତିଷ୍ଠିତ

ଆଉ ନରହିବ ଦ୍ଵନ୍ଦ

ଧନୀ ଦରିଦ୍ରରେ ଜାତି ଅଜାତିରେ

ଅଙ୍କକଷା ହେବ ବନ୍ଦ ।