ସ୍ଵପ୍ନ
ସ୍ଵପ୍ନ
1 min
228
ସଭିଏଁ ଦେଖନ୍ତି ସ୍ଵପ୍ନ ରାତିରେ
ମୁଇଁ ଦେଖେ ଦିନ ବେଳା
ସ୍ଵପ୍ନ ଦେଖେ ଜୀଇଁବାର
ଗଣ୍ତେ ପଖାଳ ଓ ଶାଗ ।
ସଂଘର୍ଷ ଚାଲିଛି ଜୀବନ ଯୁଦ୍ଧରେ
ହାରିବା ଡର ନାହିଁ, ଜିତିବାର ଆଶା ନାହିଁ
ତଥାପି ନିରସ୍ତ୍ର ହସ୍ତେ କରୁଛି ଲଢେଇ
ଟିକିଏ ବଞ୍ଚିବା ଲୋଭରେ ।
ସ୍ଵପ୍ନ କେବେ ଦେଖିନି ଭୋଗ ବିଳାସର
ଛଅ ତିଅଣ, ନଅ ଭଜାର
ଦେଖିଛି ଭୋକିଲା ପେଟର ସ୍ପନ୍ଦନ
ଲୁହ ଲହୁର କ୍ରନ୍ଦନ ।
ଏ ଅଦିନିଆ ବର୍ଷା ଆଖିରୁ
କେବେ ହେବ ବନ୍ଦ ?
କେବେ ଖୋଲିବ ଲକଡାଉନ୍ ?
କେବେ ଜଳିବ ଚୁଲି ?
ସ୍ଵପ୍ନ କେବେ ହେବ ସତ
ପୁଅ ମୋ କେବେ ଖାଇବା ତପ୍ତଭାତ
ଦେଖି ଦେଖି ଶୁଖିଗଲାଣି ଘରଣୀର ଲୋତକ
ହେ ବିଧାତା !ତୋର କେମନ୍ତ ବିଚାର ।