ସପନ ନାୟିକା

ଜୀବନେ ଦେଖିଛି ଅନେକ ସପନ

ସବୁ ହୋଇନାହିଁ ସତ

ସତ ଯେଉଁଗୋଟି ହୋଇଛି ସୁଜନେ

ସେଥିପାଇଁ ଏହି ଗୀତ।

ଗରିବ ଝିଅଟେ ହେଲେବି ଚଳିବ

ଧରିବି ଯାହାର ହାତ

ସୁନ୍ଦରୀ ସୁଶୀଳା ହୋଇଥିବ ଯଦି

କରିବି ଜୀବନ ମିତ

ଶିଖିଥିଲେ ଭଲ ଘରର ସଣ୍ଠଣା

ସେହି ଜୀବନର ବିତ୍ତ।

ଶାଶୁ ଶ୍ବଶୁରଙ୍କ କରୁଥିବ ସେବା

ନିଜ ପିତାମାତା ସମ

ସୁଖେ ଦୁଃଖେ ସିଏ ସାଥେ ମୋ ରହିବ

ହୃଦେ ଭରି ଥିବ ପ୍ରେମ

ଭୌତିକ ଧନଠୁ ବଡ଼ ସୁଖଦାୟୀ

ଶାନ୍ତ ରଖିଥାଏ ଚିତ୍ତ।

ସେହି ସପନ ମୋ କରିଛି ପୂରଣ

ଧରିଛି ଯିଏ ମୋ ହାତ

ହୃଦୟେ ମୋହର ରାଣୀ ଅଟେ ସିଏ

ହୁଏ ନିତି ପ୍ରେମ ଜାତ

ଜନମେ ଜନମେ ଗାଉଥାଉ ସଦା

ମୋ ପାଇଁ ପ୍ରେମର ଗୀତ।