Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

BISWESWAR MAJHI

Others


4.5  

BISWESWAR MAJHI

Others


ସଞ୍ଜ ରାଣୀର ସୌନ୍ଦର୍ଯ୍ୟ

ସଞ୍ଜ ରାଣୀର ସୌନ୍ଦର୍ଯ୍ୟ

1 min 24K 1 min 24K


ସଞ୍ଜ ଯେବେ ଆସେ ମୋ ଗାଆଁରେ 

ହମ୍ବା ରଡି ଶୁଭେ ଗାଇ ଗୋଠରେ । 

ସୁରୁଜ ଢଳନ୍ତି ମୁରୁଜ ବୁଣି

ଲୋହିତ ବର୍ଣ୍ଣର ପାଟଳ ଟାଣି ।

ଚାଷୀ ଫେରେ ହଳ ଲଙ୍ଗଳ ଟାଣି

ବଳଦ ଯୋଡିଙ୍କୁ କୁଣ୍ଡା ତୋରାଣି।

ପକ୍ଷୀ ଗଣ ନୀଡେ ଗଲେ ବାହୁଡି

ଉଲ୍ଲୁକ ଜାଗିଲା ନୟନ ଫେଡି । 

ସଞ୍ଜ ବତୀ ଜାଳି ଗୃହିଣୀ ମାନେ

ଶୁଭ ମନାସନ୍ତି ଗୃହ ଅଙ୍ଗନେ। 

କମଳିନୀ ସତୀ ହେଲା ମୁଦ୍ରିତ

କୁମୁଦିନୀ ଦିଶେ ପୁଲକ ଚିତ୍ତ ।

ତାରାଗଣ ହାତେ ହାତକୁ ଧରି

ଆକାଶେ ପ୍ରକଟ ଚାନ୍ଦୁଆ ପରି ।

ଭାଗବତ ଘରେ ପୁରାଣ ପଣ୍ଡା 

ଭକତ ମାନଙ୍କୁ ଦିଅନ୍ତି ଧଣ୍ଡା। 

ଅତିବଡି କୃତ ନବ ଅକ୍ଷରୀ 

ଭକତ ଶୁଣନ୍ତି ବିଭୁ ସୁମରି ।

ସଂସ୍କାର ସଂସ୍କୃତି ଚାଲି ଚଳନ

ଭକତ ଈଶ୍ବର ମହା ମିଳନ ।

ନଦିଆ କୀର୍ତ୍ତନ ଖଞ୍ଜଣି ମାଡ

ମନ୍ଦିର ବେଢାରେ ଜମିଲା ଭିଡ ।

   


Rate this content
Log in