ସଂସାର ନଈର କୂଳେ କୂଳେ

ତୁମକୁ ଖୋଜୁଛି ପ୍ରତିକ୍ଷଣେ ମୁଁ ଯେ

ତୁମକୁ ଝୁରୁଛି ଚୂପି ଚୁପି

ତୁମ ଦେହ ଛାଇ ହୋଇବାର ପାଇଁ

ମନ ମୋ ହେଉଛି କିଛି କିଛି।।

ପକ୍ଷୀଟିଏ ହୋଇ ଇଛା ହୁଏ ମୋର

ଡେଣା ଝାଡ଼ି ଝାଡ଼ି ଉଡିଯିବି

ତୁମେ ଯହିଁ ଅଛ ତୁମ ସାଥେ ରହି

ଜିଇଁବାର ମଜା ଲୁଟୁଥିବି ।।

ଘରଟେ କରିବା ସେହ୍ନପ୍ରେମ ଢାଳି

ବିଶ୍ୱାସ ଭରସା ସିମେଣ୍ଟରେ

ତୁମପାଦେ ପାଦ ଥାପି ମୁଁ ଚାଲିବି

ସଂସାର ନଈର କୂଳେ କୂଳେ।।

ସେ ଘର ସଂସାରେ ଜହ୍ନ ଟେ ଉଇଁବ

ଆଲୋକିତ କରି ଜୀବନକୁ

ଦୁଃଖସୁଖ ବାଣ୍ଟି ଆତ୍ମା ଓ ଶରୀର

ଛାଡିବାନି କେବେ କେ କାହାକୁ।।

ତୁମ ବାବା ମା ଭାଇ ବନ୍ଧୁ ଯେତେ

ସଭିଏଁ ହୋଇବେ ମୋ ନିଜର

ଦୁର୍ଦ୍ଦିନ ହେଉକି ସୁଦିନ ଅବା ଝଡ଼

ହାତ ଛାଡ଼ିବାନି କେ କାହାର।।