ସମସ୍ତେ ହେଲେଣି ଛାଗଳ
ସମସ୍ତେ ହେଲେଣି ଛାଗଳ
ନିଜ ମାତୃଭାଷା ସବୁ ଭୁଲିଗଲେ
କହିଲେ ବିଦେଶୀ ଭାଷା
ବିଦେଶୀ ଭାଷାକୁ ନିଜର କରିଲେ
ଭୁଲିଗଲେ ନିଜଭାଷା
ବାପା ବୋଉ ଡାକ ଆଉ ଶୁଭୁନାହିଁ
ଡାକିଲେ ମମି ଓ ଡାଡି
ଦାଦା ଖୁଡି ଡାକ ଭଲ ଲାଗୁନାହିଁ
ଡାକିଲେ ଅଙ୍କଲ ଆଣ୍ଟି,
ଅପା ଦିଦି ଡାକ ସବୁ ଲିଭିଗଲା
ଡାକିଲେ ସମସ୍ତେ ସିସ
ଗୁରୁମା ଡାକ ଲାଜ ଲାଗିଲାଣି
କହିଲେ ହାଲୋ ମିସ,
ଭାଇ ଡାକ ଟା କୁ ବିକୃତ କରି
ଡାକୁଛନ୍ତି ବ୍ରୋ ବୋଲି
ଅଜା ଆଇ ଡାକ ଆଉ ଶୁଭୁନାହିଁ
କହୁଛନ୍ତି ଓଲଡ଼ ବୋଲି
ଗୁରୁଜୀ ଡାକଟା ଆଉ ଶୁଭୁନାହିଁ
ସମସ୍ତେ ଡାକିଲେ ସାର
ବନ୍ଧୁ ଡାକ ବୋଧେ ଲାଜ ଲାଗିଲା
ଗର୍ବରେ କହିଲେ ୟାର
ପଖାଳ ଭାତ କୁ ନାକ ଟେକୁଛନ୍ତି
ଖାଉଛନ୍ତି ବିରିଆନି
ଆଡିଶା କାକରା ସବୁଲୁଚିଗଲା
ଖାଉଛନ୍ତି ଚଉମୁନି
ମାତୃ ଭାଷା ସବୁ ଲୁଚି ଲୁଚି ଯାଏ
ଆମେ ଏଥିପାଇଁ ଦୋଷୀ
ବିଦେଶୀ ଭାଷାକୁ ଆପଣାର କଲେ
ମନେ ମନେ ହୋଇ ଖୁସି
କହିବା କାହାକୁ କିଏବା ଶୁଣିବ
ସମସ୍ତେ ଏଠାରେ ପାଗଳ
ନିଜର ମହତ ପଦାରେ ବିକେଇ
ସମସ୍ତେ ହେଲେଣି ଛାଗଳ