ସ୍ମାର୍ଟ୍ ସିଟିର କ୍ରନ୍ଦନ

ହିତେନ୍ଦ୍ର ନାଥ ମହାନ୍ତ

ନିଶାର ଗର୍ଜନ; ବର୍ଷା ବି ଲଗାଣ

ଅବାରିତ ଧାରାରେ

ଅବିରାମ ତାଳରେ......

ବେପରୁଆ ଢଂଗର ସାବଲୀଲ ବର୍ଷଣ

କାହା ପାଇଁ

ସମ୍ଭୋଗର ଉଷ୍ମ ଚୁମ୍ବନ

ତ କାହା ପାଇଁ

ବିରହର ନଗ୍ନ ଦହନ ।।

ମେଘର ନିଶାଣ; ବନ୍ୟାରେ ପ୍ଲାବନ

ନିଷ୍ଟୁର ପାହାନ୍ତାରେ

ମଧୁ ସ୍ୱପ୍ନ ଭଂଗରେ.......

କ୍ରୁର ନିର୍ଦ୍ଦୟତାର ଜଳବନ୍ଦୀ କଷଣ ;

ବଢି ପାଣିରେ ହିଁ ଭାସେ

ଅନୁକମ୍ପା ରୋଦନ

ବିଛେଦରେ ଭାଂଗେ ଯେମିତି

ଅଭିସାରୀ ମିଳନ ।।

ମନର ଚିନ୍ତନ; କେମିତି ନିଦାନ

ଆଶା ଆଶ୍ୱାସନାରେ......

ଆରୋପ ପ୍ରତ୍ୟାରୋପରେ.......

ରାଜରାସ୍ତାରେ ଚାଲେ ନୌକା ପରିଭ୍ରମଣ ;

ବେଳହୁଁ ସାବଧାନ ---------

ଅନୁଦାନ ନୁହଁ ନାଳ ନିର୍ମାଣ

ଅନୁକମ୍ପା ବଦଳରେ ନର୍ଦ୍ଦମା ପରିଛନ୍ନ

ରିଲିଫ୍ ଛାଡି ଆନ୍ତରିକତାରେ ଧ୍ୟ୍ୟାନ.....

ଯେମିତିକି ପ୍ରିୟାର ପ୍ରୀତି

ପ୍ରାପ୍ତିରେ ନୁହଁ,ତୃପ୍ତିରେ ତଲ୍ଲୀନ ।।।

କ୍ଷେତ୍ରୀୟ କାର୍ଯ୍ୟାଳୟ

ସେଣ୍ଟ୍ରାଲ୍ ବ୍ୟାଙ୍କ ଅଫ୍ ଇଣ୍ଡିଆ

ଭୁବନେଶ୍ୱର